Luka 4:35 - Livulu lya Shukulu Kalunga

³⁵ Asinoni Yesu washikile uje munzinzime ngwendi, “Oloka kuluu, tunda muli munu ou!” Co uje munzinzime wawisilile uje munalume asi ku mesho avo voshe, co watundile muli ikeye kujeneka kumuvulumuna.

Luka 4:35 Iomraidhean Croise

Myaso 50:16

Oloni Njambi alinakwendeka kuli muka-vuvi ngwendi, “Omwo vikajo wambulwila vizilika vyange? Nambe kutumbula cikumiiyo cange na kanwa kove?

Zakaliya 3:2

Kangelo ka Shukulu Kalunga wendekele kuli Satana ngwendi, “Shukulu Kalunga akuhise, Satana! Shukulu Kalunga uje wazema Yelusalema akuhise. Munalume ou napu ngwe cimbundi cakushitula mu tuhya.”

Mateo 17:18

Co Yesu washikile uje munzinzime wakujwala, co uje munzinzime wakujwala watundile muli ikeye, co uje mukwenje wakangukile a simbu ije vene.

Mateo 8:26

Co Yesu wavakumbulwile ngwendi, “Omwo vikajo muli na lyova lyangacije, yeni vaka-kukulaela kwakundondo?” Asinoni wakatukile wolwesele lihunzi na mankimba, co kwalendamene kuluu.

Mako 1:26

Co uje munzinzime wakujwala wapindisile uje munalume manene, watambekele manene, co watundile muli ikeye.

Mako 4:39

Co Yesu wemanene washikile lihunzi ngwendi, “Oloka kuluu!” Co lalo washikile mankimba ngwendi, “Kukale kulendama kuluu!” Co lihunzi lyemanene, co kwolokele kuluu.

Mako 9:26

Co uje munzinzime wakujwala watambekele manene, wawisile mwanike mwamuvi manene, co wamutundile. Mwanike wapwile ngwe civimbi, ngecivene, vanu vendekele ngwavo, “Natsi vene!”

Luka 11:22

Oloni omo munalume weka namutuvakana nzili amulwisa nakumufungulula, co ambata vitwa vyoshe vya uje vavenya njuvo vije vyakulaelele, co akapangezela vyoshe vije vyanapukwile.

Luka 4:23

Co wendekele kuli vakevo ngwendi, “Mwa vushunga mukanjitela cisimo eci ngweni, ‘Ove cimbanda likangwise yove vavenya!’ Neni mukanjileka lalo ngweni vyuma vyoshe vimwazivile vije vinjalingile ku Kapenauma njivilinge lalo kuno ku lifuti lyange.

Luka 4:39

Yesu waile wemanene kuyehi na vulili vwendi washikile lije lisika-sika ngeci limutunde. Co lisika-sika lyamutundile, washangumukile kuvapangela.

Luka 4:41

Na minzinzime yakujwala lalo yatundile muli vanu vavangi, co yatambekele ngwayo, “Yove unapu u Muna Njambi!” Yesu washikile minzinzime yakujwala ngeci kesi yendeke cuma cimo, omwo ikeyo yamuzivukile ngwayo ikeye Wakuvwavesa.

Luka 8:24

Co vandongisi vaile kuli Yesu nakumwindula ngwavo, “Shukulu, Shukulu! Tushaka kutsa!” Co Yesu wakatukile washikile lihunzi na mankimba, co lihunzi na mankimba vyalendamene, co kwolokele kuluu.

Luka 9:39

Omo munzinzime wakujwala umuwana, co atambeka nakushinya, co atutumuna lifulu ku kanwa, umuvetwesa manene, co kuumwecela vwasi.

Luka 9:42

Omo mukwenje wakele nakwija, co munzinzime wakujwala wamuwisilile asi nakumushinyisa manene. Co Yesu washikile uje munzinzime wakujwala, uje mukwenje wakangukile, co wamwanene kuli ishe.

Kujombolola 12:12

Co vwaeleleni yeni melu neni mwakalamo! Oloni tuyando kuli yeni ano asi na mu mema a kalunga! Omwo Liyavola nashuluka asi kuli yeni, co nashulu na vukalu, omwo nazivuka ngeci kunasala lika kasimbu kakandondo kuli ikeye.”