Luka 4:15 - Livulu lya Shukulu Kalunga

¹⁵ Yesu wavalongesele mu masinangonge avo, co voshe vamushangazalele.

Luka 4:15 Iomraidhean Croise

Isaya 55:5

Ololo mukasana miyati yeka, ije kumwazivukile akulivanga, oloni vakaija lumbisi nakulipandakana neni! Yange Kalunga, Njambi yeni, Njambi wakujela wa Isalele, njikalinga ngeci vyoshe evi vinapande kulingiwa, njikamishangazala nakumyana vumpau.”

Mateo 13:54

co welukile kwimbo lyendi. Walongesele mu sinangonge, co voshe vaje vamuzivile valikomokelele. Valihozwele ngwavo, “Kulijo kwanawana mana awa na vizivukiso vyakufwa ngacije?

Mateo 4:23

Yesu wendanganene mu Ngalileya mwoshe, nakulongesa mu masinangonge avo, nakwambulula Vin̄anda Vyavivwa vya Vumwene nakukangwisa vanu voshe vaka-mishongo yoshe na vaka-kuvinja vakuliseza-seza.

Mateo 9:35

Co Yesu waitanganene mwaya membo akama na mu tumembo twatundondo. Walongesele mu masinangonge avo, wambulwile Vin̄anda Vyavivwa vya Vumwene vwa Njambi, co nakukangwisa vaka-mishongo na vaka-kuvinja vakuliseza-seza.

Mateo 9:8

Omo vanu vacimwene, vakele na lyova, co vashangazalele Njambi uje waanene vanu moko yakufwa ngacije.

Mako 1:27

Co vanu voshe valikomokelele manene vashangumukile kulyendekesa umo na mukwavo ngwavo, “Vika evi? Oku kunapu kulongesa kwakuhwa ndi? Munu ou ali na moko yakushika minzinzime yakujwala, co ikeyo imwononoka!”

Mako 1:39

Ngecivene, wetile mu Ngalileya mwoshe, wambulwile mu masinangonge nakutundisa minzinzime yakujwala.

Mako 1:45

Oloni uje munalume waile, co washangumukile kushandola ije n̄anda kwoshe-ikwoshe. Mwa vushunga vene, wambulwile manene ngeci Yesu kasele kuya mu nganda citona-mesho. Oloni wakele kwendi lika, co vanu vezile kuli lkeye vatundile kwoshe-ikwoshe.

Luka 13:10

Yesu wakele nakulongesa mu sinangonge a Litangwa Lyakuhwima.

Luka 4:16

Yesu waile ku Nazaleta, kuje kwakolelele, co wakovelele mu sinangonge a Litangwa Lyakuhwima ngwe ku cilika cendi. Co wemanene nakulava Visoneka,