Luka 3:8 - Livulu lya Shukulu Kalunga

⁸ Lingeni vyuma vije vimwesa ngeci munatenguluka ku vivi vyeni. Kesi mulyendekese mu vimbunge vyeni ngweni ‘Tuli na kukulwila yetu Avilahama’. Mwa vushunga njimileka ngwange Njambi asa kutengulula mamanya awa nakuwapwisa vatekulwila va Avilahama!

Luka 3:8 Iomraidhean Croise

Nehemiya 5:11

Eceleni makongo oshe aje avatambwile kuli yeni, nambe vimbongo, nambe tiliku, nambe vinyu, nambe mazi a olive. Co velwisileni ololo vene mahya avo, na vitungu vya mikolovozi ya vushuka vwa vinyu, na vitungu vya miti ya olive, na vinjuvo vyavo!”

Ezekiyele 33:24

“Muna munu, vanu vaje valinakuyoya mu vinganda vije vinasiwuka vya mu lifuti lya Isalele valinakwendeka ngwavo, ‘Avilahama wapwile munu umolika, co vamwanene lifuti lyoshe. Yetu tunapu tuvavangi, ngecivene, ololo lifuti linapu lyetu!’

Mateo 21:43

Ngecivene, Yesu wavalekele ngwendi, “Vumwene vwa Njambi vakavutundisa kuli yeni, co vakavwana kuli vanu vaje vononoka Njambi.

Mateo 3:8

Lingeni vyuma vije vimwesa ngeci munatenguluka ku vivi vyeni.

Mateo 3:9

Kesi mulyendekese mu vimbunge vyeni ngweni muli na kukulwila yeni Avilahama. Mwa vushunga njimileka ngwange Njambi asa kutengulula mamanya awa nakuwapwisa vatekulwila va Avilahama!

Luka 13:25

Omwo vavenya njuvo akemana nakushoka lipito, cooni omo mukemana anja nakutota a lipito ngweni, ‘Shukulu, tushokolweleko!’ Co akamikumbulula ngwendi, ‘Kunjizivuka oku kumutunda.’

Luka 13:26

Co mukakumbulula ngweni, ‘Twalile nakunwa nove, co lalo walongesele mu nganda yetu!’

Luka 14:9

co uje namilanyele muvavoshe muvavali aija nakwendeka kuli yove ngwendi, ‘Ana citumbamo kuli ou!’ Co ukaziva shwamwa akununguluka nakukatumbama a citumbamo cacindondo.

Luka 19:40

Yesu wavakumbulwile ngwendi, “Mwa vushunga njimileka ngwange, nga ava voloka kuluu, co mamanya awa akatambeka.”

Luka 19:9

Yesu wendekele kuli ikeye ngwendi, “Kwovoka kunete ku njuvo ino ku litangwa lyalelo, omwo munalume ou ikeye lalo muna Avilahama.

Luka 5:21

Valongisi va majwi a Lishiko na vaFaliseo vashangumukile kwendeka akati kavo ngwavo, “Iya ou munalume alinakushaula Njambi? Njambi lika ikeye muka-kusambesa vuvi!”

Yowano 8:33

Vamukumbulwile ngwavo, “Yetu tu vatekulwila va Avilahama, kanda tupwe tu vindungo va munu umo embwe. Vika ulumbununa akwendeka ngwove, ‘Vakamipatula’?”

Yowano 8:39

Vamukumbulwile ngwavo, “Avilahama ikeye Tatetu.” Yesu wakumbulwile ngwendi, “Nga mwa vushunga mwapwile mu vana va Avilahama, nga neni lalo mulinakulinga vipangi vije vyalingile Avilahama.

Vilinga vya Miluwa 26:20

Oloni akulivanga njambulwile mu Ndamasiku, co mu Yelusalema, asinoni na mu lifuti lyoshe lya Isalele na akati ka vaje kesi vaYunda, njambulwile ngeci vanapande kutenguluka ku vivi vyavo nakwiluka kuli Njambi nakulinga vyuma vije vimwesa ngeci vanatenguluka.

Loma 4:16

Co cikulaeso cajendamenene akukulaela, ngeci cikulaeso vanapande kucikolesa kupwa vwana vwa Njambi ku vatekulwila voshe va Avilahama, kesi lika kuli vaje vononoka Lishiko embwe, ololo na kuli vaje vakulaela ngwe mwalingile Avilahama. Omwo Avilahama napu tate yetu voshe vaka-kukulaela.

Loma 9:7

Nambe kesi voshe vatekulwila va Avilahama vanapu vana va Njambi embwe. Oloni Njambi wendekele kuli Avilahama ngwendi, “Kuvanga muli Isake lika mukemwo ukakala na vatekulwila vaje njakukulaesele.”

Filipu 1:11

Kuyoya kweni kupwe kwakushula na vushunga vwavuvwa vyuma vije Yesu Kilistu lika asa kusholola, ku vumpau nakushangazala kwa Njambi.