Luka 3:17 - Livulu lya Shukulu Kalunga

¹⁷ Shewa ili mu livoko lyendi, ikeye akapepa nakujelesa mwamuvwa vinona vyoshe kulijungwilo lyendi, co tiliku akaitulika mu cishete cendi, oloni lijungu lyoshe akalyenyeka na tuhya kutwesi kuzima!”

Luka 3:17 Iomraidhean Croise

Myaso 1:4

Oloni vaka-vuvi kuvesi ngeci embwe, vakevo vanalifu na lijungu lije lilinakupekumuka na lihunzi.

Isaya 30:24

Vingombe vakulima na vimulu vakulima mahya eni vakalya mwila wauvwa.

Njelemiya 15:7

Njikamishandola kutunda mu vinganda vyoshe vya mu lifuti ngwe lihunzi lipekumuna vishati. Njikaminyongesa yeni vanu vange, njatsiile vana veni, omwo kumwatundile ku vingila vyeni vya vuvi.

Mika 4:12

Oloni miyati ije, kuvazivuka viyongola vya Shukulu Kalunga. Kuvanangukile ngeci vanalikungulula amolika mukuvanyanyamesa mu cifwa cimolika muje muvakanena tiliku kukujungula.

Mateo 13:30

Vyeceni vyoshe vivali vikule amo noo simbu yakuteja inete. Asinoni njikaleka vaka-kuteja ngeci vatukule shaku akulivanga nakuyikuta mikuta, co vayenyeka, co vakungulwile tiliku mu cishete cange.’ ”

Mateo 3:12

Shewa ili mu livoko lyendi, ikeye akapepa nakujelesa mwamuvwa vinona vyoshe ku lijungwilo lyendi, co tiliku akaitulikila mu cishete cendi, oloni lijungu lyoshe akalyenyeka na tuhya kutwesi kuzima.”

Luka 3:18

Ngecivene, Yowano wakele nakwambulula Vin̄anda Vyavivwa kuli vanu nakuvalambelela ngeci vatenguluke ku vingila vyavo.