Luka 23:56 - Livulu lya Shukulu Kalunga

⁵⁶ Co velukile kwimbo vavwaesele n̄undu na mazi akunika lwengo ngeci vakuvwavese muvila wendi. Co a Litangwa Lyakuhwima vahwimine, ngwe ku Lishiko.

Luka 23:56 Iomraidhean Croise

2 Mizimbu 16:14

co vamutsindile mu mbumbo ya limanya ije yalicokwelele ikeye vavenya mu Nganda ya Ndaviti. Vavwaesele muvila wendi na n̄undu na mazi akunika lwengo lwaluvwa akumutsinda, co vakele mu myala nakumulila.

Kutuuka 31:14

Ngecivene, munapande kunyunga Litangwa Lyakuhwima, omwo likelyo linapu lyakujela. Co woshe uje kalinyungu, oloni apanga a litangwa lije, napande kutsa.

Mako 16:1

Omo Litangwa Lyakuhwima lineti, Maliya Mandalena, na Maliya vaina ya Yakomba, na Salome valandele n̄undu ngeci vaye nakukavwavesa muvila wa Yesu.

Luka 24:1

A mungulungengu a litangwa lya Calumingo vanakazi vaile ku mbumbo, vambatele n̄undu ivavwaesele.

Kwituluka mu Mashiko 5:14

oloni a litangwa lyamucitanu na avali likelyo likapwa Litangwa Lyakuhwima lije lyakundama kuli yange Kalunga Njambi yeni. A litangwa lije kumukapanga cuma nacimo cai, nambe yeni, nambe vana veni va vanalume, nambe vana veni va vanakazi, nambe vindungo veni, nambe vimuna veni, nambe vaka-kwija vaje vali mu lifuti lyeni.