Luka 23:5 - Livulu lya Shukulu Kalunga

⁵ Oloni vakevo vendekele na nzili ngwavo, “Ikeye alinakushongangeya vanu na vilongesa vyendi ngeci valinge mpindangono mu Yundeya mwoshe. Washangumukile mu Ngalileya, co ololo naija kuno.”

Luka 23:5 Iomraidhean Croise

Myaso 22:16

Mbunga ya vaka-vuvi vananjizengeleka, vashwenya kuli yange ngwe tutali va vukalu, vakevo vanasanyozola mavoko na mendi ange.

Myaso 57:4

Njili mukati ka vitozi vakufwa ngwe vindumba. Mayo avo anafu ngwe makunga na mikili, kwendeka kwavo kuvavalesa ku mbunge ngwe mikwale yakuvambuka.

Myaso 69:4

Vaje vaka-kunjizinda kujeneka mulonga vanatumu manene kutuvakana vin̄ambu vya ku mutwe wange. Vitozi vange vendeka makuli ali yange, vali na nzili, co vashaka kunjitsiya. Valinakunjisindiya kwilwisa vyuma vije kunjevile.

Mateo 11:1

Co omo Yesu wamanesele kushika vandongisi vendi likumi na vavali, watundile ku mutambela kuje kwakele waile nakulongesa nakwambulula mu membo aje akele kuje.

Mateo 2:1

Omo Yesu wasemukile mu Mbetelehema, mu lifuti lya Yunda, a simbu ya Mwene Helonde, vaka-mana vatundile mu ngangela, vakevo valilongesele vya vingongonosi, vezile ku Yelusalema

Mateo 27:24

Omo Pilato wamwene ngeci nomu mwalinga vene mwai, oloni lwozi lunasa kushangumuka, wambatele mema, wajwelele ku mavoko endi ku mesho a mbunga, co wendekele ngwendi, “Yange kunjesi na mulonga a kutsa kwa munu ou! Ou mulonga weni vavenya.”

Mateo 4:23

Yesu wendanganene mu Ngalileya mwoshe, nakulongesa mu masinangonge avo, nakwambulula Vin̄anda Vyavivwa vya Vumwene nakukangwisa vanu voshe vaka-mishongo yoshe na vaka-kuvinja vakuliseza-seza.

Mako 1:14

Omo Yowano vanamwaka laja mu kamenga, Yesu waile ku Ngalileya nakwambulula Vin̄anda Vyavivwa vya Njambi.

Luka 11:53

Omo Yesu watundile ku mutambela uje, valongisi va majwi a Lishiko na vaFaliseo vashangumukile kumulwisa manene nakumwihula vyuma vyavingi,

Luka 23:23

Oloni vanu vatambeleke ngwavo Yesu vamushukike a cilindakano, co kutambeka kwavo cavahyanesele.

Luka 23:6

Omo Pilato wazivile ngacije, co wehwile ngwendi, “Kuma ou munalume kaNgalileya ndi?”

Yowano 1:43

Alikaki Yesu wayongwele kuya ku Ngalileya. Co wawanene Filipu, co wendekele kuli ikeye ngwendi, “Njikave!”

Yowano 19:15

Vatambekele ngwavo, “Mutsiye! Mutsiye! Mushukike a cilindakano!” Pilato wavehwile ngwendi, “Kuma mushaka njishukike mwene yeni a cilindakano ndi?” Vakulunu va vaka-kukombelela vakumbulwile ngwavo, “Kutwesi na mwene weka lalo wai kuvanga Sezale!”

Yowano 2:11

Yesu walingile eci cizivukiso cakulivanga ku Kana mu Ngalileya, kuje kwasholwele vumpau vwendi, co vandongisi vendi vamukulaelele.

Yowano 7:41

Veka vendekele ngwavo, “Ou ikeye Wakuvwavesa!” Oloni veka lalo ngwavo, “Wakuvwavesa kasa kutunda ku Ngalileya!

Yowano 7:52

Vakevo vamukumbulwile ngwavo, “Mwamuvwa, kuma nove lalo utunda ku Ngalileya ndi? Lava mu Visoneka, co uwana ngeci naumo wai muka-kwimanena akatunda ku Ngalileya.”

Vilinga vya Miluwa 10:37

Mwazivuka vije vyalingiwile mu lifuti lyoshe lya Isalele, kushangumuka ku Ngalileya munima ya Yowano uje wambulwile muzimbu wakumbwitika.

Vilinga vya Miluwa 23:10

Co omo vimata vanu valikananganene manene, uje muka-kushika mashwalale wazivile lyova ngwendi amo Paulu vamutavozola. Ngecivene, washikile mashwalale vendi kukovela akati ka mbunga ije ngeci vakatundiseo Paulu nakumutwala ku vinjuvo vyakunyungila.

Vilinga vya Miluwa 5:33

Omo vaje vaka-Munga vazivile vyuma evi, valuvalele manene vashakele ngeci vatsiye miluwa.

Vilinga vya Miluwa 7:54

Omo vaje vaka-Munga vatolililile kuli Setefano, co valuvalele manene nakulishumanga ku mayo avo mukuviilila.

Vilinga vya Miluwa 7:57

Oloni vaje vaka-Munga vatambekele na lijwi lyakama manene vazikile mu matwi avo. Co voshe vaile vwasi kuli ikeye a simbu imolika,