Luka 23:4 - Livulu lya Shukulu Kalunga

⁴ Co Pilato wendekele kuli vakulunu va vaka-kukombelela na mbunga ngwendi, “Yange kunjawanene mulonga ali munu ou.”

Luka 23:4 Iomraidhean Croise

Mateo 27:19

Omo Pilato watumbamene a litanda lyakusompa, munakazi wendi watumine majwi kuli ikeye ngwendi, “Kesi ulinge cuma cimo ali munu owo wakujeneka mulonga, omwo njozi njinaloto ya ali ikeye inanjiyandesa manene.”

Mako 15:14

Oloni Pilato wavehwile lalo ngwendi, “Mulonga ukajo wanalingi?” Oloni voshe vatambekele manene ngwavo, “Mushukike a cilindakano!”

Luka 23:22

Pilato wendekele navo lwamucitatu ngwendi, “Vuvi vuka vwanalingi? Yange kunjawanene cuma cakumutsiila! Njimupupa lika, co njimwecela aye.”

Yowano 18:38

Co Pilato wehwile ngwendi, “Vushunga vukevwo vuka?” Asinoni Pilato watuukile lalo anja kuli vanu wendekele kuli vakevo ngwendi, “Kunjawanene cuma cakumwanena mulonga.

Vilinga vya Miluwa 25:25

Oloni kunjawanene cuma cimo canalingi cije canapande kutsila. Omo vavenya walombele kutwala n̄anda yendi kuli Nguvulu, co njayongwele kumutuma.

Vilinga vya Miluwa 3:13

Njambi ya Avilahama na Isake na Yakomba, Njambi ya vakukulwila vetu, ikeye naana vumpau kuli Ngamba yendi Yesu. Oloni yeni mwamwanene kuli vaka-kushwana, co mwamuvyanene ku mesho a Pilato nameme Pilato te nayongola kumwecela.

VaHevelu 7:26

Ngecivene, Yesu wapwa Muka-kukombelela wakama uje amona ngwe kujeneka kwetu. Wapwa wakujela, muli ikeye kumwesi mulonga nambe vuvi, vanamutundisa mukati ka vanu vaka vuvi, co vamusangwile nakumutwala mwilu.

1 Petulu 1:19

oloni vamipatwile na n̄ombelo ya ndando yakama ya Kilistu, uje wapwile ngwe muna manga wakujeneka livala nambe kapenga.

1 Petulu 2:22

Ikeye kalingile vuvi, co lalo naumo wai wazivile makuli atunda mu kanwa kendi.

1 Petulu 3:18

Omwo Kilistu watsililile vuvi lumo ku simbu yoshe, muka-vushunga kutsila vaka-vuvi, ngeci amitwamenene kuli Njambi. Ikeye vamutsiile ku muvila, oloni vamuyoyesele ku munzinzime,