Luka 23:33 - Livulu lya Shukulu Kalunga

³³ Omo vetele ku mutambela umo uvatumbwile ngwavo, “Cikola,” co vashukikile Yesu a cilindakano, na vaje mapwepwe vavali, umo ku cilyo mukwavo ku cimoshwe.

Luka 23:33 Iomraidhean Croise

Myaso 22:16

Mbunga ya vaka-vuvi vananjizengeleka, vashwenya kuli yange ngwe tutali va vukalu, vakevo vanasanyozola mavoko na mendi ange.

Zakaliya 12:10

“Njikashulisa vatekulwila va Ndaviti na vanu veka va mu Yelusalema na munzinzime wa mema ku mbunge na munzinzime wakulombela. Vakakenga kuli uje ivativile likunga nakumutsiya, co vakamulila ngwe vaje vanatsisa munavo umolika. Vakalila manene, ngwe vaje vanatsisa munavo wa ntwatwa umolika wa munalume.

Mateo 20:19

co vakamwana kuli vaje kesi vaYunda vaje vakamushendumuna, nakumupupa, co vakamushukika a cilindakano, oloni omo kuneti matangwa atatu akasanguka.”

Mateo 26:2

“Mwazivuka ngeci omo kwita matangwa avali lika, kukakala Ciwano ca Pasovala, co Muna Munu vakamwana ngeci vamushukike a cilindakano.”

Luka 24:7

‘Muna Munu vanapande kumwana ku mavoko a vaka-vuvi, vakamushukika a cilindakano, co munima ya matangwa atatu akasanguka.’ ”

Yowano 18:32

(Eci calingiwile ngwe majwi aje endekele Yesu akutumbula kutsa kuje akatsa apwe a vushunga.)

Yowano 3:14

Co ngwe Mosesa washukikile linyoka wa vunengu a manda mu mambo, ngecivene, mucifwa cimo vakashukika Muna Munu,

Vilinga vya Miluwa 13:29

Co omo vanalingi vyoshe vije ngwe muvyendeka Visoneka ali ikeye, vamutundisile a cilindakando nakumwaka mu mbumbo.

Vilinga vya Miluwa 2:23

Njambi mu cizango cendi vavenya wayongwele laja ngeci Yesu vakamwana ku mavoko eni, co yeni mwamutsiile akutava vaka-vivi ngeci vamushukike a cilindakano.

Vilinga vya Miluwa 5:30

Njambi ya vakukulwila vetu ikeye wasangwile Yesu ku vatsi, omo munamutsii laja nakumupameya vimbambo a cilindakano.

Ngalatiya 3:13

Oloni omwo Kilistu vamupwisile cisingo omwo watupatwile ku cisingo cije majwi a Lishiko acinenele, omwo visoneka vyendeka ngwavyo, “Munu woshe uje vashukika a muti ali mwisi ya cisingo ca Njambi.”

Kwituluka mu Mashiko 21:23

co uje muvila kuwapandele kulala aje vutsiki vwoshe embwe. Vanapande kuutsinda a litangwa lije vene, omwo muvila wakushukika a muti unena cisingo ca Njambi a lifuti. Tsindeni uje muvila ngeci kesi mukajwalese mu lifuti lije lyakamyana Shukulu Kalunga Njambi yeni.

1 Petulu 2:24

Kilistu vavenya wambatele vuvi vwetu mu muvila wendi a cilindakano, ngeci tutse ku vuvi, co tukayoyele ku vushunga. A viveve vyendi akeo munawana kukanguka.