Luka 23:32 - Livulu lya Shukulu Kalunga

³² Co lalo kwakele mapwepwe vavali va vanalume vavatwalele amo na Yesu nakukavatsiya.

Luka 23:32 Iomraidhean Croise

Isaya 53:12

Ngecivene, njikamwana mutambela wa kasingimiko, akati ka vanu va vulemu na nzili. Watavele kwana mwonyo wendi nakumulavela amo mu luvinda lwa vaka-vuvi. Vanu vamuyongwele ngwavo muka-vuvi, oloni wayandele omwo vuvi vwavo, co walombelele kuli Njambi ngeci Njambi avasambese.”

Mateo 27:38

Asinoni vashukikile lalo amo nendi vezi vavali, umo ku livoko lyendi lya cilyo, mukwavo ku livoko lyendi lyacimwoshwe.

Mako 15:27

Co vakevo lalo vashukikile vanu vavali amo na Yesu, umo ku cilyo mukwavo ku cimoshwe.

Luka 22:37

Omwo njimileka ngwange visoneka vije vyendeka ngwavyo, ‘Vamulavelele amo mu luvinda lwa vaka-kutsiya,’ co vinapande kulingiwa ali yange, omwo vije vivasonekele ali yange vilinakusholoka kupwa vya vushunga.”

Luka 23:31

Omwo nga valinga vyuma evi ku muti wakutonola, cooni vakalinga vati ku muti wakuma?”

Yowano 19:18

Kuje vakamushukikile a cilindakano, co vashukikile lalo vanalume vavali, umo kusambwa imo mukwavo kusambwa ikwavo, co Yesu wakele mukati kavo.

2 Timateo 2:9

Omwo njilinakwambulula Vin̄anda Vyavivwa, njilinakuyanda nakunjikuta mu malyenge ngwe nji lipwepwe. Oloni lijwi lya Njambi kuvalyakele mu malyenge.

VaHevelu 12:2

Co tukengeni mesho etu ntoma ali Yesu, ali uje kukulaela kwetu cinemana kutunda kukushangumuka kwetu na ku shongo. Kajukile omwo cilindakano! Omwo kujolela cije camuvandamenene, kazivile shwamwa omwo kutsa a cilindakano, co ololo natumbama ku livoko lya cilyo lya litanda lya Njambi.