Luka 23:16 - Livulu lya Shukulu Kalunga

¹⁶ Ngecivene, njikamupupa lika, co njimwecela ngeci aye.”

Luka 23:16 Iomraidhean Croise

Isaya 53:5

Oloni vamutwile vimbandu omwo vuvi vwetu, vamupupile omwo kuvulumuna kwetu. Yetu tunakanguka omwo ikeye wambatele cihiso cetu, yetu vanatupwisa tuvamutunu, omwo ya vimbandu vije vamutwile.

Mateo 27:26

Asinoni Pilato wecelele Mbalambasa, co wapupile Yesu makote, co wavaneneye ngeci vakamushukike a cilindakano.

Mako 15:15

Ngecivene, Pilato washakele kuvwaelelesa ije mbunga, ngecivene, wecelele Mbalambasa. Asinoni wapupile Yesu makote,co wavaneneye ngeci vakamushukike a cilindakano.

Luka 23:17

A simbu yoshe ya Ciwano ca Pasovala, Pilato wakele nakwecela cinzinda umo uje vashakele vanu.

Luka 23:22

Pilato wendekele navo lwamucitatu ngwendi, “Vuvi vuka vwanalingi? Yange kunjawanene cuma cakumutsiila! Njimupupa lika, co njimwecela aye.”

Luka 6:37

“Kesi muhise vakweni, kutewa neni Njambi akamihisa, kesi mupaye vakweni, kutewa neni Njambi akamipaya, sambeseni vakweni, co Njambi akamisambesa.

Vilinga vya Miluwa 16:37

Oloni Paulu wendekele kuli vaje vantwama va mashwalale ngwendi, “Kuvatuwanene na mulonga naumo wai, oloni vanatupupile ku mesho a vanu, co yetu tu vandambo va lifuti lya Loma! Co vanatwakele mu kamenga. Co ololo vashaka kutwecelela mu vushweke ndi? Embwe kucitava! Vamyata va vaLoma vanapande kwija kuno vakutwecele vakevo vavenya ngeci tuye.”