Luka 22:53 - Livulu lya Shukulu Kalunga

⁵³ Njakele neni mu Njuvo ya Shukulu Kalunga a litangwa na litangwa, kumwesekele kunjikwata. Oloni eyi ikeyo simbu yeni yakupanga, omo nzili ya lisusulungu ilinakushwana.”

Luka 22:53 Iomraidhean Croise

Yombi 20:5

kujolela kwa vaka-vuvi kukwesi kwishwala. Co kuvwaelela kwa vaka-kujeneka kukulaela kwapwa kwa kasimbu kakandondo.

Mateo 21:23

Co omo Yesu wakovelele mu Njuvo ya Shukulu Kalunga, co omo wavalongesele, vakulunu va vaka-kukombelela na vakulunu vezile kuli ikeye, vamwihwile ngwavo, “Na moko yeyajo ulinakulinga nayo vyuma evi? Iyajo nakwana moko eyi?”

Luka 22:52

Asinoni Yesu wendekele kuli vakulunu va vaka-kukombelela na vamyata va vaka-kunyunga Njuvo ya Shukulu Kalunga na vakulunu vaje vezile nakumukwata ngwendi, “Kuma munaija na mikwale na vimbweti ngwe nji lipwepwe ndi?

Luka 22:54

Vakwatele Yesu, co vamutwalele ku njuvo ya Muka-kukombelela Wakama, co Petulu wamukavele munima wakele alyala kamandondo.

Yowano 12:27

“Ololo mbunge yange ilinakuyanda, co njendeka vika? Njendeke ngwange, ‘Tate, njamene ku simbu eyi ndi’? Oloni evi vikevyo vinjezilile, ngeci njiite mu simbu eyi ya tuyando.

Yowano 13:30

Ngecivene, omo Yundasa watambwile lije likende, aje vene watuukile anja. Co yapwile simbu ya vutsiki.

Yowano 14:30

Kunjesi na kwendeka neni vyavingi ololo, omwo muka-kushwana wa ano a kaye alinakwija. Kesi na nzili ali yange,

Yowano 7:30

Ngecivene, vashakele kumukwata, oloni naumo wai wakambekele livoko ali ikeye, omwo simbu yendi te kanda yete.

Yowano 7:45

Omo vaka-kunyunga velukile, vakulunu va vaka-kukombelela na vaFaliseo vavehwile ngwavo, “Omwo vika kumwezile nendi?”

Vilinga vya Miluwa 26:18

Ukatonesa mesho avo nakuvatundisa ku lisusulungu nakuvatwala ku ceke nakuvatundisa ku nzili ya Satana nakuvatwala kuli Njambi, ngeci akukulaela kwavo kuli yange vakavasambese ku vivi vyavo nakutambula mwela wavo akati ka vanu vaje vanaangula Njambi.’

Efeso 6:12

Omwo kutwesi nakulwa na vanu embwe, oloni tulinakulwa na nzili yavivi vya minzinzime ya a mukambwila na vaka-kushwana na vaka-moko ya kushika na ava vaka-kushwana na nzili mu lisusulungu eli lya myaka ino iliko.

Kolose 1:13

Natwamena ku nzili ya lisusulungu nakutunena mu vumwene vwa Munendi uje yazema,