Luka 22:52 - Livulu lya Shukulu Kalunga

⁵² Asinoni Yesu wendekele kuli vakulunu va vaka-kukombelela na vamyata va vaka-kunyunga Njuvo ya Shukulu Kalunga na vakulunu vaje vezile nakumukwata ngwendi, “Kuma munaija na mikwale na vimbweti ngwe nji lipwepwe ndi?

Luka 22:52 Iomraidhean Croise

2 Vimyene 11:15

Yehoyanda kashakele ngeci Ataliya vamutsiile ku mwela wa Njuvo ya Shukulu Kalunga embwe, ngecivene, washikile vamyata va mashwalale ngwendi, “Mutwaleni anja oku mumwitisa mukati ka mikana ya vaka-kunyunga, co woshe amwamena mutsiyeni.”

Mateo 26:47

Omo Yesu wacikele nakwendeka navo, Yundasa, umo wa vaje likumi na vavali wetele. Co wezile na mbunga yakama vambatele mikwale na vimbweti, vavatumine kuli vakulunu va vaka-kukombelela na kuli vakulunu va vaYunda.

Mateo 26:55

Asinoni Yesu wendekele na mbunga ije ngwendi, “Kuma munaija na mikwale na vimbweti mukunjikwata ngwe lipwepwe ndi? Njatumbamene nakulongesa mu Njuvo ya Shukulu Kalunga matangwa oshe, co kumwanjikwatele.

Luka 22:37

Omwo njimileka ngwange visoneka vije vyendeka ngwavyo, ‘Vamulavelele amo mu luvinda lwa vaka-kutsiya,’ co vinapande kulingiwa ali yange, omwo vije vivasonekele ali yange vilinakusholoka kupwa vya vushunga.”

Luka 22:4

Ngecivene, Yundasa waile nakwendeka kuli vakulunu va vaka-kukombelela na vamyata va vaka-kunyunga Njuvo ya Shukulu Kalunga kuwana ngila muka yakenda Yesu vungungu ngeci avaneye.

Luka 22:51

Oloni Yesu wendekele ngwendi, “Likele!” Co wakwatele litwi lya uje munalume nakuliilwisilako lalo.

Luka 22:53

Njakele neni mu Njuvo ya Shukulu Kalunga a litangwa na litangwa, kumwesekele kunjikwata. Oloni eyi ikeyo simbu yeni yakupanga, omo nzili ya lisusulungu ilinakushwana.”

Yowano 17:12

Simbu njakele navo, njavanyungile mu kwoloka na nzili ya lizina lyove, lizina lije liwanjanene. Njavanyungile mu kwoloka, naumo wai wavo wazimbalele, kuvanga lika munalume uje ivatumbwilile kunyonga, ngeci visoneka vipwe vya vushunga.

Vilinga vya Miluwa 5:26

Ngecivene, uje mukulunu wa vaka-kunyunga Njuvo ya Shukulu Kalunga waile na vanu vendi wakashakele miluwa. Kuvakapangesele nzili omwo vazivile lyova ngwavo amo vanu vavasha mamanya.