Luka 22:40 - Livulu lya Shukulu Kalunga

⁴⁰ Omo wetele kuje wavalekele ngwendi, “Lombeleni kutewa mukakovela mu vyeseko.”

Luka 22:40 Iomraidhean Croise

1 Mizimbu 4:10

Co Njaveze walombelele kuli Njambi ya Isalele ngwendi, “Njivezikise, Njambi, kunjana lifuti lyakama. Kala nange, co njinyunge ku vuvi vuje vwasa kunjiyandesa.” Co Njambi wamwanene vije vyalombele.

Myaso 119:133

Njinyunge ngwe muje muwanjikulaesele, kesi utave njiwe, co lalo kesi utave vuvi vunjifungulule.

Myaso 17:5

Visimbu vyoshe njinende mu ngila yove, co kunjatundilemo.

Myaso 19:13

Njinyunge mwamuvwa ku vuvi vwa cizango, kesi utave vunjishwane. Ngecivene, njikapwe wakulumbunuka nakupatuka ku vuvi.

Mateo 6:13

Kesi ututwamenene ku vyeseko, oloni twamene ku vuvi! Omwo vumwene vunapu vwove, na nzili na vumpau, ku myaka yoshe. Ewa.’

Luka 11:4

Tusambese ku vivi vyetu, ngwe yetu lalo mutukasambesa vaka-kutuvulumwina. Kesi ututwamenene ku vyeseko.’ ”

Luka 22:46

Wendekele kuli vakevo ngwendi, “Omwo vika munalala? Indukeni mulombele, kutewa mukakovela mu vyeseko.”

1 Petulu 4:7

Kukotoka kwa vyuma vyoshe kuli muyehi. Munapande kulinyunga nakukengelela, ngeci mwase kulombela.

Kujombolola 3:10

Omwo unanyungu lijwi lyange nakupwa muka-kusimpa, co lalo njikakunyunga a simbu ya tuyando tuje tulinakwija mu kaye koshe nakweseka vanu voshe va ano asi.