Luka 22:30 - Livulu lya Shukulu Kalunga

³⁰ Yeni mukalya nakunwa nange mu Vumwene vwange, co mukatumbama a matanda nakusompa miyati likumi na ivali ya Isalele.

Luka 22:30 Iomraidhean Croise

2 Samwele 19:28

Voshe va ka naanga ya tate vapandele kuvatsiya kuli yove shukulu, oloni yange wanjitavesele kulya ku mesa yove. Co ololo kunjesi na nzili yakulomba lalo vuvwa kuli yove shukulu.”

Myaso 49:14

vakevo vanavasompela kutsa ngwe vimanga, co kutsa kukekwo kukapwa kanyungi kavo. Vaka-vushunga vakashwana akamwa yavo, omo mivila yavo ilinakusosonyoka mu vukalo vwa vatsi kulyala na membo avo!

Mateo 19:28

Yesu wavakumbulwile ngwendi, “Mwa vushunga njimileka ngwange, omo Muna Munu akatumbama a litanda lyendi lya vumpau mu lifuti lyaliha kulutwe, asinoni neni lalo vaka-kunjikava likumi na vavali mukatumbama a matanda aje likumi na avali, mukushwana miyati ije likumi na ivali ya vanu va Isalele.

Mateo 5:3

“Vanavezika vaka-kuutwa mu munzinzime, omwo Vumwene vwa mwilu vunapu vwavo!

Mateo 8:11

Njimileka ngwange vavangi vakaija, vakatunda mu ngangela na mu kangombe ka yambi, co vakatumbama ku mesa amo na Avilahama, na Isake, na Yakomba, mu Vumwene vwa mwilu.

Luka 12:37

Vanavezika vangamba vaje omo shukulu yavo aija avawana kuvesi mu tulo valinakumukengelela! Mwa vushunga njimileka ngwange, ikeye akalizitika mwiva mu mbunda, akavaleka ngeci vatumbame, co akavana vyakulya.

Luka 14:15

Omo munu umo wa vaje vakele ku mesa wazivile evi, wendekele kuli Yesu ngwendi, “Vanavezika vaje vakatumbama ku ciwano mu Vumwene vwa Njambi!”

2 Timateo 2:12

Nga tutwalao na lukakateya, co tukashwana lalo amo nendi. Nga tumuvyana, co na ikeye lalo akatuvyana.

Yakomba 1:1

Mukanda wakutunda kuli yange Yakomba, ngamba ya Njambi na Mwene Yesu Kilistu. Viindu kuli vanu voshe va Njambi vaje vanashandokela mu kaye mwoshe.

Kujombolola 19:9

Co kangelo wendekele kuli yange ngwendi, “Soneka ngwove, vanavezika vaje vavanalanya ku ciwano ca vulo vwa Muna Manga.” Co kangelo wendekele lalo ngwendi, “Awa akewo majwi a vushunga a Njambi.”

Kujombolola 3:21

Kuli vaje vahyana, njikavana moko yakutumbama kuyehi nange a litanda lyange, ngwe omo yange njahyanene, co ololo njinatumbama kuyehi na Tate a litanda lyendi.

Kujombolola 4:4

Co ku litanda lije kwazengelekele matanda akwavo makumi avali na matanda awana aje avatumbamene vakulunu makumi avali na vakulunu vawana vazalele vuzalo vwakutoka, co vazalele vilongo vya ngolinde ku mitwe yavo.