Luka 22:26 - Livulu lya Shukulu Kalunga

²⁶ Oloni eyi kesi ikeyo ngila akati keni, oloni woshe uje wakama akati keni napande kupwa wamundondo, co ntwama yeni napande kupwa ngwe ngamba.

Luka 22:26 Iomraidhean Croise

Mateo 20:26

Eyi kesi ikeyo ngila akati keni embwe. Oloni woshe ashaka kupwa wakama, ikeye napande kupwa ngamba ya vakwavo voshe,

Mako 10:43

Oloni, eyi kesi ikeyo ngila akati keni embwe. Nga umo weni ashaka kupwa wakama, ikeye napande kupwa ngamba ya vakwavo voshe,

Mako 9:35

Co Yesu watumbamene asi, co wasanene vaje vandongisi likumi na vavali, wendekele kuli vakevo ngwendi, “Nga munu ashaka kulipwisa wakama napande kulipwisa ikeye vavenya wamundondo mu vyoshe, co lalo apwe ngamba ya voshe.”

Luka 9:48

co wendekele kuli vakevo ngwendi, “Woshe atambula mwanike ou mu lizina lyange, co natambula yange vene, woshe uje anjitambula, natambula lalo uje wanjitumine. Omwo woshe uje napu wamundondo akati keni muvavoshe, ikeye napu wakama.”

Loma 12:2

Kesi mulipwise ngwe vanu va muno mu kaye, oloni eceleni Njambi atengulule viyongola vya mu vimbunge vyeni. Asinoni mukazivuka cizango ca Njambi, vije vyavivwa nevi vimuvwaelelesa nevi vyakushungama.

1 Petulu 5:3

Kesi mweseke kushwana vaje vavanamyana ngeci muvanyunge, oloni pweni cimweso ku vutanga.

1 Petulu 5:5

Mu cifwa cimo vene, yeni vakwenje munapande kwononoka kuli vakulunu. Co yeni voshe pweni vaka-kulikeesa, mukupangela umo na mukwavo, omwo visoneka vyendeka ngwavyo, “Njambi akavyana vaka-kulyalesa, oloni akamwesa kutetela kuli vaka-kulikeesa.”