Luka 21:21 - Livulu lya Shukulu Kalunga

²¹ Asinoni vaje vali mu Yundeya vakatewela ku malundu, co vaje vali mu nganda vanapande kutundamo, co vaje vali anja ya nganda ku mahya kesi vakovelemo.

Luka 21:21 Iomraidhean Croise

Kushangumuka 19:17

Asinoni kangelo umo wendekele ngwendi, “Teweni mwamene myonyo yeni! Kesi mukenge kunima nambe kwimana mu cimbongo! Teweleni ku malundu ngeci mukayoyeleko!”

Kushangumuka 19:26

Oloni a ngila, munakazi wa Lote wakengele kunima, co wemukile mushinge wa mwongwa.

Visimo 22:3

Omo vaka-mana vamona vukalu vwija, co vatewa, oloni muka-kujeneka mana ayako, co akalikovelesa mu vukalu.

Njelemiya 35:11

Oloni omo Mwene Nevukaneza wakovelele mu lifuti nakulwisa vanu, twayongwele kwija ku Yelusalema ngeci tutunde kuli vaMbambilone na kuli vaSilya. Evi vikevyo vyatunene muno mu Yelusalema.”

Njelemiya 37:12

Ngecivene, njatundile mu Yelusalema, co njaile ku lifuti lya Mbenjemani, kukatambula mutambela wa vufuko vwa ku naanga yange.

Njelemiya 6:1

Vanu va Mbenjemani, teweni ngeci mwovoke! Teweni mutunde mu Yelusalema! Imbeni vimbendo mu Tekowa, co imikeni cimweso ca tuhya mu Mbete Hakeleme. Tuyando twakama nakunyonga vilinakwija kutunda ku kunto.

Kulava 16:26

Co wendekele ku mbunga ya vanu ngwendi, “Shondolokeni ku vimbalaka vya vanu ava vavavi kesi mukwate ku cuma cimo cakundama kuli vakevo kutewa neni mukanyonga omwo ya vuvi vwavo.”

Mateo 2:1

Omo Yesu wasemukile mu Mbetelehema, mu lifuti lya Yunda, a simbu ya Mwene Helonde, vaka-mana vatundile mu ngangela, vakevo valilongesele vya vingongonosi, vezile ku Yelusalema

Mateo 24:16

“Asinoni vaje vali mu Yundeya vakatewele ku malundu.

Mako 13:15

Munalume uje ali akamwa ya njuvo yendi kesi akashulukeo nakwambata vije vili mu njuvo yendi.

Kujombolola 18:4

Co njazivile lalo lijwi likwavo lyatundile mwilu lyendekele ngwalyo, “Eni vanu vange! Tundeni kuli ikeye! Kesi mulipandakane nendi mu vuvi vwendi, kesi mukundame ku cihiso cendi!