Luka 21:19 - Livulu lya Shukulu Kalunga

¹⁹ Koleseni, co mukaamena myonyo yeni.

Luka 21:19 Iomraidhean Croise

Myaso 37:7

Simpa nakuvandamena Shukulu Kalunga ngeci apange, kesi ushote mbunge ali vaje vanafuku, nambe vaje valinakuya kulutwe a matumbe avo a vuvi.

Myaso 40:1

Njavandamenene Shukulu Kalunga nakusimpa ngeci anjikwase, asinoni wazivile mutambi wange.

Hambakuke 3:16

Njazivi vyoshe evi, co njijaja, mbunge yange itumbuka omwo lyova. Muvila wange ushinuka, co mendi ange ajaja mu mavuli. Njikasimpa nakuvandamena simbu ngeci yete, omo Njambi akanyanyamesa vaje vakatulwisa.

Mateo 10:22

Co vanu voshe vakamizinda omwo lizina lyange. Oloni uje akakateya nakweta ku shongo akovoka.

Mateo 24:13

Oloni woshe uje akakateya na ku shongo akovoka.

Luka 8:15

Co vimbuto vije vyawililile ku livu lya vwilo vinemanena vaje vaziva lijwi nakulinyunga na mbunge yaivwa yakwononoka, co vakakateya noo vaima vushuka.

Loma 15:4

Vyuma vyoshe vije vivasonekele mu Visoneka vavisonekele mukutulongesa, ngeci tukale na cinyangavili cakutunda ku lukakateya nakukutakamesa kuje kutunda ku Visoneka.

Loma 2:7

Vamo vanu valinakulinga mwamuvwa nakushakezeka vumpau na kasingimiko na mwonyo wa myaka yoshe, kuli vakevo Njambi akavana mwonyo wa myaka yoshe.

Loma 5:3

Tuli lalo nakulishasha a tuyando twetu, omwo tunazivuka ngwetu tuyando tusholola lukakateya,

Loma 5:4

co lukakateya lulingisa ngeci Njambi atutambule, co eci kutambula ca Njambi cinena cinyangavili.

Loma 8:25

Oloni nga tuli na cinyangavili ca vije kutwamwene, tucivandamena nakusimpa.

1 Tesalonika 1:3

Omwo tukanuka ku mesho a Njambi yetu na Tatetu vipangi vya kukulaela kweni nakuundangana kwa cizemo na cinyangavili cakukola mbe muli Mwene Yesu Kilistu.

2 Tesalonika 3:5

Mwene atwamenene vimbunge vyeni mukuzivisisa cizemo ca Njambi na lukakateya luje lwanamyana Kilistu.

VaHevelu 10:36

Munapande kupwa vaka-kusimpa, ngeci mulinge cizango ca Njambi, co mukatambula vije vyanakulaesa.

VaHevelu 6:11

Sholovya yetu inapu yakama ngeci munu na munu akati keni acitwaleo na lukakateya noo na ashongo, ngeci vyuma vyoshe vimulinavyo na cinyangavili vikapwe vya vushunga.

VaHevelu 6:15

Co Avilahama wasimpile, co watambwile vije vyamukulaesele Njambi.

Yakomba 1:3

omwo munazivuka ngweni kweseka kwakukulaela kweni kulingisa lukakateya.

Yakomba 1:4

Co lukakateya lweni lumyetese na ku shongo kujeneka kwonwa, ngeci mupwe vakujela vamutunu, nakujeneka cuma cimo.

2 Petulu 1:6

co ku mana eni wezeleleniko kulinyunga, co ku kulinyunga kweni wezeleleniko lukakateya, co ku lukakateya lweni wezeleleniko vuNjambi,

Kujombolola 1:9

Yange Yowano, ndolome yeni, co akupwa ndongisi ya Yesu njili amo neni na lukakateya mu n̄avava ije ilinakwija kuli vaje vanakundama ku Vumwene vwendi. Vanjakele a lin̄anda lya Patimose omwo njambulwile lijwi lya Njambi lya vushunga vuje vwasholwele Yesu.

Kujombolola 13:10

Woshe uje vatwala ku vunzinda, mwa vushunga vene akaya ku vunzinda, woshe uje vakatsiya na moko ya mukwale, mwa vushunga vene akatsa na moko ya mukwale. Aa akeo vene anapande lukakateya nakukulaela kuli vanu va Njambi.”

Kujombolola 14:12

Aa akeo vene ali lukakateya kuli vanu va Njambi, vaje vanyunga mashiko a Njambi nakupwa va kulongwa kuli Yesu.

Kujombolola 3:10

Omwo unanyungu lijwi lyange nakupwa muka-kusimpa, co lalo njikakunyunga a simbu ya tuyando tuje tulinakwija mu kaye koshe nakweseka vanu voshe va ano asi.