Luka 21:10 - Livulu lya Shukulu Kalunga

¹⁰ Co wendekele lalo ngwendi, “Lifuti limo likalwa nzita na lifuti likwavo, co vumwene vukalwisa vumwene vukwavo.

Luka 21:10 Iomraidhean Croise

Isaya 19:2

Shukulu Kalunga endeka ngwendi, “Njikashangumuna nzita mu Ingito, co vakalitengulukile nakulilwisa ndolome na ndolome, mundambo na mundambo. Nganda na nganda ikalilwisa imo na ikwavo, co vumwene vukalilwisa na vukwavo.

Zakaliya 14:13

A simbu ije Shukulu Kalunga akavaiya-yiisa na lyova ngeci munu na munu akakwata munu uje yakalyata nendi nakumulwisa.

Mako 13:8

Omwo lifuti limo likalwa nzita na lifuti likwavo, co vumwene vukalwisa vumwene vukwavo. Kukakala mandunduma ku mitambela yakuliseza-seza na njala ya lyangengela. Evi vinapu ngwe kushangumuka kwa mushongo wakukita mwana.

Luka 21:11

Kukakala mandunduma akama, na njala ya lyangengela, na mishongo yakulitambwisa kwoshe-ikwoshe, kukakala vyuma vyakujujwisa nakukomokesa vikatunda mwilu.

Luka 21:9

Omo mukaziva vinzita nakulitengulukila, kesi mukajujeke, vyuma evi vinapande kusholoka, oloni kuvilumbununa ngeci kukotoka kwa kaye kunete.”

Vilinga vya Miluwa 11:28

Umo wavo lizina lyendi Angambase wemanene na nzili ya Munzinzime wambulwile vuka-kwimanena ngwendi njala ya lyangengela ilinakwija ano asi oshe. (Co eci calingiwile omo Kalaundyase wapwile nguvulu.)

VaHevelu 12:27

Lijwi eli, “lalo” litumwesa mwamuvwa ngeci vyuma vyakutanga vakavijajesa nakuvishandola, ngeci vyuma vije kuvikajaja vikevyo vikasalao.