Luka 21:1 - Livulu lya Shukulu Kalunga

¹ Yesu wakengezekele, co wamwene vaka-kufuka valinakulambula vwana vwavo mu mbango ya mu Njuvo ya Shukulu Kalunga,

Luka 21:1 Iomraidhean Croise

1 Vimyene 14:26

Wambatele vufuko vwoshe vwa mu Njuvo ya Shukulu Kalunga novu vwa mu lipela, amo na vintelo vya ngolinde vije vyafulile Solomoni.

2 Vimyene 12:9

Asinoni Yehoyanda wanonele cikasa, wativile mbengwa a cifwiko, co wacakele kumukulo wa mutula, ku livoko lya cilyo kwakukovelela mu Njuvo ya Shukulu Kalunga. Co vaka-kulombelela vaje vakele nakupanga ku cikolo vakele nakwakamo vimbongo vyoshe vije vakele nakunena vaka-kulemesa.

2 Vimyene 24:13

co wambatele vufuko vwoshe vwakele mu Njuvo ya Shukulu Kalunga na mu lipela, wavutwalele ku Mbambilone ngwe muje mwendekele Shukulu Kalunga, Nevukaneza watsiile vivala vyoshe vya ngolinde vije vyapangele Mwene Solomoni ngeci vavipangese mu Njuvo ya Shukulu Kalunga.

2 Mizimbu 36:18

Co Mwene wa Mbambilone wapukwile Njuvo ya Shukulu Kalunga, na vufuko vwamwo, na vufuko vwa mwene na vamyata vendi, watwalele vyuma vyoshe ku Mbambilone.

Nehemiya 13:13

Co njemikile vaka-kunyunga ku milili yakutulikila vapwile, Shelemiya, muka-kukombelela, na Zandoke, muka-kusoneka, na Pendaya kaLevi. Hanane, muna Zakule, mutekulu wa Mataniya, wapwile muka-kuvaata. Ava voshe njavaangwile omwo vavatumbwile ngeci vapwa va kulongwa. Co cipangi cavo capwile cakupangezela vyuma vavushoko vwavo.

Mateo 27:6

Oloni vakulunu va vaka-kukombelela vanonele vije vimbongo, vendekele ngwavo, “Evi vinapu vimbongo vya maninga, kucitava kuvyaka mu mbango ya mu Njuvo ya Shukulu Kalunga ngwe ku Mashiko etu.”

Luka 20:47

vakevo vakakwisi vifwile nakuvevila vinjuvo vyavo, co vafwika vilinga vyavo na malombelo amalaja! Co kunyanyamesa kwavo kukapwa kwakama manene!”

Yowano 8:20

Yesu wendekele vyoshe evi omo wakele nakulongesa mu Njuvo ya Shukulu Kalunga, mu mulili muje mwakele vikasa vyakulambwila milambu. Oloni naumo wai wamukwatele, omwo simbu yendi te kanda icete.

Yoshwa 6:19

Oloni siliva yoshe, na ngolinde, na vivala vya vunengu, na vikuvo vinapu vyakukundika kuli Shukulu Kalunga. Munapande kuvyaka mu cipau ca Shukulu Kalunga.”

Yoshwa 6:24

Asinoni venyekele nganda ya Yeliko na vyoshe vije vyakelemo, kuvanga lika ngolinde, na siliva, na vivala vya vunengu, na vikuvo. Co vije vavyambatele nakuvyaka mu cipau ca Shukulu Kalunga.