Luka 20:35 - Livulu lya Shukulu Kalunga

³⁵ oloni vanalume na vanakazi vaje vanafwila kusanguka ku vatsi nakuyoya mu simbu ije ikaija kulutwe kuvakambata nambe kushomboka.

Luka 20:35 Iomraidhean Croise

Mateo 12:32

Co woshe uje endeka lijwi limo lyakushaula Muna Munu vakamusambesa, oloni uje ashaula Munzinzime Wakujela kuvakamusambesa, nambe simbu ino, nambe simbu ya kulutwe.

Mateo 22:29

Oloni Yesu wavakumbulwile ngwendi, “Yeni mwasevuka! Omwo kumuzivuka Visoneka nambe nzili ya Njambi.

Mako 10:42

Ngecivene, Yesu wavasanene voshe vaije kuli ikeye, co wavalekele ngwendi, “Mwazivuka ngweni vanu vaje valiyongola ngwavo vanapu vaka-kushwana va vanu vaje kesi vaka-kukulaela vali na nzili ali vanu vavo, co na vantwama vavo vali na moko yakama ali vakevo.

Mako 12:24

Yesu wavakumbulwile ngwendi, “Yeni mwasevuka! Co kuma yeni kumuzivuka ngweni omwo vika? Omwo kumuzivuka Visoneka na nzili ya Njambi.

Luka 16:8

Co shukulu yendi washangalele uje katumwa wakujeneka kulongwa, omwo walingile cuma ca mana, omwo vanu va ano a kaye vali na mana ku vyuma vyavo kutuvakana vanu vaje vali mu ceke.”

Luka 21:36

Nyanyameni nakulombela simbu yoshe ngeci mukakale na nzili yakuhyana vyoshe vije vikalingiwa nakwimana ku mesho a Muna Munu.”

Yowano 5:29

co vakatuuka mu vimbumbo vyavo, vaje voshe valingile mwamuvwa vakasangukila ku mwonyo, co vaje valingile mwamuvi vakasangukila ku cihiso.

Vilinga vya Miluwa 24:15

Njili na cinyangavili muli Njambi ngeci vakevo valinavyo vyuma evi, vikevyo evi, vanu voshe vavavwa na ava vavavi vakasanguka ku vatsi.

Vilinga vya Miluwa 5:41

Asinoni omo miluwa vasezele ije Munga, vavwaelelele manene omwo Njambi wavayongwelele kuyanda nakushauka omwo lizina lya Yesu.

2 Tesalonika 1:5

Eci cinapu vukaleo ngeci kusompa kwa Njambi kukekwo kwa vushunga, co mukemuka va seo mu Vumwene vwendi, vuje vumulinakuyandela.

VaHevelu 11:35

Akukulaela vanakazi vatambwile vavushoko vwavo va kutsa vaje vasangukilile ku mwonyo. Vamo vamwene tuyando twakama, kuvatavele kutambula kupatuka ngeci vatambule cisangukilo lalo ca mwonyo wauvwa.

Kujombolola 3:4

Oloni vamo veni vavandondo mu Salendisiya vananyungu vuzalo vwavo kupwa vwakujela. Vakenda amo nange, nakuzala vuzalo vwakutoka, omwo vafwila kulinga ngacije.