Luka 20:20 - Livulu lya Shukulu Kalunga

²⁰ Ngecivene, vakengelelele simbu yaivwa. Co vaanene lizika-kanwa kuli vanu vamo valipwise ngwe vaka-vushunga, co vavatumine kuli Yesu ngeci vakamweseke na vihula ngeci vamwane ku moko na ku nzili ya Nguvulu wa vaLoma.

Luka 20:20 Iomraidhean Croise

2 Samwele 14:2

ngecivene, Yowave watumine munakazi wakunyanyama wakele mu Tekowa. Omo uje munakazi wetele, co Yowave wendekele kuli ikeye ngwendi, “Likwise ngwe ulinakulila, zala vuzalo vwove vwakulila, kesi usakule vin̄ambu vyove, co kesi ulikwite mazi. Linga ngwe munakazi uje nakala simbu yakama nakulila.

Myaso 38:12

Vaje vashaka kunjitsiya vananjitela myeto kulutwe lwange, vaje vashaka kunjivulumuna vashungwiya kunjinyongesa, co litangwa lyoshe vatumba vutumbe vwakunjilwisa.

Myaso 66:3

Endekeni kuli Njambi ngweni, “Unalingi vyuma vyakukomokesa, nzili yove inapu yakama manene ngeci vitozi vove valiita kuli yove.

Myaso 81:15

Vaje vanjizinda vakatsikama na lyova kuli yange, co cihiso cavo cikapwa ca myaka yoshe,

Njelemiya 11:19

Njafwile ngwe muna manga wa kulongwa, uje vatwala mukumutsiya, co kunjazivukile cuma nacimo cai a matumbe awa. Vakele nakwendeka ngwavo, “Tushinjeni ou muti simbu ucili wauvwa, ijeni tumutsiye ngeci naumo wai akamwanuka.”

Njelemiya 18:18

Co vanu vendekele ngwavo, “Tutumbeni vutumbe ali Njelemiya! Simbu yoshe tuli na vaka-kukombelela vaje vakatulongesa, na vaka-mana vaje vakatunangula, na vaka-kwimanena vaje vakambulula majwi a Njambi. Tumukutiiyeni vin̄anda vyakumulwisa, co tulikeleni kutolilila ku vije vyendeka.”

Njelemiya 20:10

Njinazivi vanu vavangi vanjifweya ngwavo, “Kwoshe-ikwoshe kuli munjunju! Tumwambululeni ku vaka-kushwana!” Nameme vene vasamba vange va a mbunge vanavandamena ngeci njiwe. Vendeka ngwavo, “Amo twasa kumukwisa ngeci tumukwate tumulinge shambandinga.”

Ndanyele 6:4

Co vakwavo vaka-kutwamenena na vanguvulu vesekele kuwana cuma cimo cacivi mu ngila ije Ndanyele watwamenenene nayo vipangi mu vumwene, oloni kuvaciwanene, omwo Ndanyele wapwile munu wa kulongwa, co kalingile cuma cimo cacivi.

Mateo 27:2

Co vamukutile, co vamutwalele nakumwana kuli Pilato, nguvulu wa vaLoma.

Mako 3:2

Co kuje kwakele vanu vamo vashakele kashwilo ali Yesu ngeci vamuwaneneo mulonga, ngecivene, vamukengele shwii ngeci vamone nga ikeye akangwisa uje munu a Litangwa Lyakuhwima.

Luka 11:54

vesekele kumutela vinganjo ngeci vamone nga endeka mwamuvi ngeci vamukwateleo.

Luka 20:21

Co vaje vaka-kunenga vehwile Yesu ngwavo, “Mulongisi, twazivuka ngwetu yove ukendeka vushunga, co ukalongesa vushunga vwa cizango ca Njambi ali munu kujeneka kulipesa a viyongola vya vanu. Omwo kuwesi kukenga ali munu nambe wapwa wa vulemu nambe kesi wa vulemu.

Luka 20:26

Co kuvasele kumuwanena mulonga ku majwi awa ku mesho a vanu, co voloke kuluu valikomokelele kukumbulula kwendi.

2 Petulu 2:3

Co mu cipululu cavo, ava valongisi va makuli vakawana nganyo akumileka tusimilili. Omwo a simbu yakama ololo Lyaako wavo nalivwaesela cimweja, co Muka-kunyongesa wavo ali laja mu mesho!