Luka 20:10 - Livulu lya Shukulu Kalunga

¹⁰ Omo simbu yakuvuya vushuka yetele, watumine ndungo yendi kuli vaje vaka-kupanga mukutambulako litambelo lyendi ku vije vanateje. Oloni vaje vaka-kupanga vapupangele uje ndungo nakumwilwisa mavoko-voko.

Luka 20:10 Iomraidhean Croise

1 Vimyene 22:24

Asinoni Zendekiya muka-kwimanena waile kuli Mikaya, nakumupupa mbanda ku mesho, co wamwihwile ngwendi, “Munzinzime wa Shukulu Kalunga wasa kutunda muli yange wendeke muli yove?”

2 Vimyene 17:13

Shukulu Kalunga watumine miluwa vendi na vaka-kwimanena kunangula Isalele na Yunda ngwendi, “Sezeni vingila vyeni vyavivi, ononokeni vizilika vyange vije vili mu Mashiko aje njanene kuli vakukulwila veni aje njaanene kuli yeni ali vangamba vange vaka-kwimanena.”

1 Mizimbu 19:4

Ngecivene, Hanune wakwatele vaje miluwa va Ndaviti, wavatewile minjezi yavo, co watavozwele vuzalo vwavo kuvupwisa a vinyonga, co wavashekele.

2 Mizimbu 16:10

Co Asa waluvalele manene na muka-kwimanena, co wamushokele mu kamenga. Eyi ikeyo simbu ije Asa wayandesele vanu vamo na muuka.

Nehemiya 9:26

“Oloni vanu vove vakutengulukilile, nakujeneka kukwononoka, vakengesele nima ku Mashiko ove. Vatsiile vaka-kwimanena vaje vavanangwile nakuvaleka vukaleo vwakuvatengulwila kuli yove. Co vakushawile ku simbu na simbu,

Nehemiya 9:30

A mwaka na mwaka wavanangwile nakusimpa, nakuvambulwila vukaleo ali Munzinzime wove, muli vaka-kwimanena vove, oloni vanu vove vapwile tusinda-matwi, ngecivene, wavakundikile mu mavoko a miyati yeka ngeci vavafungulule.

Myaso 1:3

Munu wa cifwa eci napu ngwe muti wakukuna ku vana va vindonga vya mema, muti uje wima vushuka vwawo a simbu yawo, na maputa awo lalo kuwesi kujujwama. Munu wa cifwa eci avezika mu vyoshe vyakalingi.

Njelemiya 2:30

Njaminyanyamesele, oloni kucamikwasele ngeci mwa ndumba wa vukalu, yeni mwatsiile vaka-kwimanena vange.

Njelemiya 20:2

wanjipupile nakunjikutila malyenge kuyehi na Cikolo ca Mbenjemani cije cakele akamwa ya Njuvo ya Shukulu Kalunga.

Njelemiya 35:15

Njinakala nakutuma vangamba vange voshe vaka-kwimanena, kuli yeni vamileke kwecela vingila vyeni vyavivi, ngeci mulinge vyavivwa. Vaminangwile ngeci kesi mulemese nameme kupangela vinjambi veka, ngeci muyoye mwamuvwa mu lifuti lije linjanene kuli yeni na kuli vakukulwila veni. Oloni yeni kumwanjitolililile, nameme kumbako mbunge.

Njelemiya 5:24

Kumwesi kuyongola mu vimbunge ngweni tukomokeni Shukulu Kalunga nameme ikeye kanyokesa nyonzi a nyangao na a ndombo, nakutwana visimbu vya kuteja vimbuto vyavingi a mwaka na mwaka.

Luka 13:34

“Yelusalema, Yelusalema! Yove ukatsii vaka-kwimanena nakwasha mamanya miluwa va Njambi vaje vaatumine kuli yove! Visimbu vyavingi njashakele kukungulula vanu vove nakuvavumbatela mu mavoko ange ngwe kasumbi akavutikiya vana vendi mu mambava, oloni yove kuwanjitavele!

Luka 20:11

Co uje vavenya citungu watumineko lalo ndungo mukwavo, oloni vaje vaka-kupanga vamupupangele nakumulinga mwamuvi, co vamwilwisile mavoko-voko.

Luka 20:9

Yesu watelelele vanu cisimo eci ngwendi, “Kwakele munalume umo wakele na citungu ca mikolovozi ya vushuka vwa vinyu, co wasezele cije citungu kuli vaka-kupanga, co waile vungenzi ku lifuti lyakulyala wakeshwaleleko simbu yakama.

Yowano 15:16

Kesi yeni mwanjangwile embwe, oloni yange njamyangwile nakumituma ngeci muye nakwima vushuka vwavungi, vushuka vuje vwa ku myaka yoshe. Ngecivene, cuma coshe mukalomba kuli Tate mu lizina lyange ikeye akamyanaco.

Loma 7:4

Neni lalo cifwa cimo, vakwetu. Neni lalo munatsi omwo munapu vilyo vya muvila wa Kilistu, co ololo munakundama kuli ikeye, uje ivasangwile ku vatsi ngeci tupangele Njambi vipangi vyavivwa.