Luka 2:47 - Livulu lya Shukulu Kalunga

⁴⁷ Co voshe vaje vamutolililile valikomokelele mana endi nakukumbulula kwendi.

Luka 2:47 Iomraidhean Croise

Myaso 119:99

Omwo njiyongola a mashiko ove, njili na mana manene kutuvakana valongisi vange voshe.

Mateo 13:54

co welukile kwimbo lyendi. Walongesele mu sinangonge, co voshe vaje vamuzivile valikomokelele. Valihozwele ngwavo, “Kulijo kwanawana mana awa na vizivukiso vyakufwa ngacije?

Mateo 22:33

Co omo vije vimbunga vazivileko, valikomokelele akulongesa kwendi.

Mateo 7:28

Co omo Yesu wamanese kwendeka vyuma evi, mbunga ije valikomokelele akulongesa kwendi,

Mako 1:22

Co vanu vaje vamuzivile vakomokele manene kulongesa kwendi, omwo ikeye kalifwile ngwe valongisi va majwi a Lishiko, oloni ikeye walongesele na moko.

Mako 11:18

Co vakulunu va vaka-kukombelela na valongisi va majwi a Lishiko akuziva evi, vashakezekele ngila imo ngeci vamutsiilemo Yesu. Vakele na lyova ali ikeye, omwo mbunga yoshe valikomokelele a vilongesa vyendi.

Mako 6:2

Co a Litangwa Lyakuhwima washangumukile kulongesa mu sinangonge. Vanu vavangi vakele kuje, co omo vamuzivile, valikomokelele valihozwele ngwavo, “Kulijo nawana evi vyoshe?” Co vendekele lalo ngwavo, “Kuli nawana mana awa? Vati alinakulinga vizivukiso vyakufwa ngacije?

Luka 2:18

Co voshe vaje vawazivile valikomokelele a vyuma vije vivendekele tunyungi.

Luka 2:46

Co a litangwa lyamucitatu vamuwanene mu Njuvo ya Shukulu Kalunga, natumbama akati ka valongisi va vaYunda, nakuvatolilila nakuvehozola vihula.

Luka 4:22

Co voshe vamushangalele, valikomokelele ku majwi endi endekele, vendekele ngwavo, “Ou kesi ikeye uje muna Yosefa ndi?”

Luka 4:32

Vanu voshe vakomokele manene kulongesa kwendi, omwo majwi endi akele na moko.

Yowano 7:15

Vantwama va vaYunda valikomokelele manene, co vendekele ngwavo, “Munu ou nazivuka vati vyuma vyavingi omwo ikeye kalilongesele sikola?”

Yowano 7:46

Vaka-kunyunga vakumbulwile ngwavo, “Naumo wai asa kwendeka ngweuje munalume!”