Luka 2:14 - Livulu lya Shukulu Kalunga

¹⁴ “Vumpau kuli Njambi wa akamwa ya akamwa, kwoloka kukale ano asi kuli vanu vaje vamuvwasa!”

Luka 2:14 Iomraidhean Croise

Isaya 44:23

Tambekeni nakujolela, yeni melu! Tambekeni, yeni mitambela ya mwisi ya kaye! Tambekeni nakujolela, yeni minkinda na miti yoshe ya mu shwata! Shukulu Kalunga namwesa vukama vwendi akwamena vanu vendi va Isalele.

Isaya 49:13

Imbeni, yeni melu, ngwe vanu, asi, tambeka nakujolela ngwe vanu! Minkinda ishangumuke kwimba ngwe vanu! Shukulu Kalunga akazembeleka vanu vendi, vanu vendi vaka-kuyanda, akavazivila mema ku mbunge.

Isaya 57:19

Njikana kwoloka kuli voshe vaje vali muyehi na vaje vali kulyala! Njikakangwisa vanu vange.

Mika 5:5

co ikeye akanena kwoloka. Omo vaAsilya vakazengeleka lifuti lyetu nakuvujula vivumbe vyetu, co tukalanya vantwama vetu va nzili ngeci vakuvalwise.

Mateo 21:9

Co mbunga ije yatwamene kulutwe naije mbunga yakavele munima yendi vashangumukile kutambeka ngwavo, “Wakushangazala Muna Ndaviti! Njambi amuvezikise uje aija mu lizina lya Mwene! Shangazaleni Njambi!”

Luka 1:79

ceke ca mwilu kutwila voshe vaje vanatumbama mu munzinze wa lisusulungu lya kutsa, nakutwamenena mendi etu mu ngila ya kwoloka.”

Luka 19:38

ngwavo, “Njambi avezikise mwene ou aija mu lizina lya Shukulu Kalunga! Kwoloka kukale mwilu na vumpau kuli Njambi!”

Luka 2:13

Vwasi-vwasi kwasholokele mbunga yakama ya tungelo va mwilu vemanene amo na kangelo, vembile nakushangazala Njambi ngwavo,

Luka 2:15

Omo tungelo velukile mwilu kutunda kuli tunyungi, co tunyungi valyendekesele umo na mukwavo ngwavo, “Tuyeni oni ku Mbetelehema ngeci tukamone eci cuma cinalingiwako, cije canatusholwela Shukulu Kalunga.”

Luka 3:22

co Munzinzime Wakujela washulukile ali ikeye mu cifwa ngwe katela. Co mwilu mwatundile lijwi ngwalyo, “Yove u Munange injazema, njilinakuvwaelela ali yove.”

Yowano 14:27

“Kwoloka njimisezela, kwoloka kwange njilinakumyana. Kesi ngwe muvakana muje vaka-kaye. Kesi mulishoshomwene mu vimbunge vyeni, nameme kesi muzive lyova.

Yowano 17:4

Njinasholola vumpau vwove ano asi, co njinamanesa vipangi vije viwanjanene ngeci njivilinge.

Yowano 3:16

Omwo Njambi wazemene vaka-kaye manene ngeci waanene Munendi umolika, ngeci woshe akulaela kuli ikeye kesi anyonge, oloni akale na mwonyo wa myaka yoshe.

Vilinga vya Miluwa 10:36

Munazivuka muzimbu watumine ku vanu va Isalele, mukwambulula Vin̄anda Vyavivwa vya kwoloka ali Yesu Kilistu, ikeye Mwene wa vanu voshe.

Loma 5:1

Ngecivene, omo vanatupwisa vaka-vushunga ku mesho a Njambi akukulaela, co tuli mu kwoloka na Njambi ali Mwene yetu Yesu Kilistu.

Efeso 1:6

Tushangazaleni Njambi ku vumpau vwa kutetela kwendi, omwo a vwana vuje vwanatwana muli Munendi uje yazema!

Efeso 1:9

Njambi walingile vije watumbwile kulinga, co watusholwelele vutumbe vwendi vwakushweka vuje vwayongwele laja ngeci vuhwile ali Kilistu.

Efeso 2:4

Oloni Njambi wapwa muka-mema ku mbunge, co na cizemo cendi kuli yetu capwa cakama manene

Efeso 2:7

Walingile evi kupwa cimweso ku visimbu vyoshe vije vikaijako akumwesa vukama vwa kutetela kwendi kuje kutwasa kuseteka mu cizemo cije catumwesele muli Kilistu Yesu.

Filipu 2:11

co voshe vakambulula ngwavo Yesu Kilistu ikeye Mwene, ku vumpau vwa Njambi Tatetu.

Filipu 2:13

omwo simbu yoshe Njambi alinakupanga muli yeni ngeci mukale na cizango, co ngeci mwase kwononoka vutumbe vwendi vavenya.

Kolose 1:20

Ngecivene, ali Mwana, Njambi wayongwele kwilwisila kaye koshe kuli ikeye vavenya. Njambi wanenele kwoloka a maninga a Munendi a cilindakano, co waambesele vyuma vyoshe kuli ikeye vavenya, vije vili asi na vije vili mwilu.

2 Tesalonika 2:16

Mwene yetu Yesu kilistu vavenya, na Njambi Tatetu, uje watuzemene na mu kutetela kwendi watwanene kutakama kuje kukwesi kutenguluka na cinyangavili cakukola,

Kujombolola 5:13

Co njazivile vyakutanga vyoshe vili mwilu na asi na mwisi lya kaye na mu mema a kalunga na vyakuyoya vyoshe vya kaye, co vikevyo vyembile ngwavyo, “Kuli uje natumbama a litanda na kuli Muna Manga, kukale kushangazala na kasingimiko na vumpau na nzili, ku myaka yoshe!”