Luka 2:12 - Livulu lya Shukulu Kalunga

¹² Co eci cikapwa cizivukiso ceni, mukawana mbututu vanamuzengela a vinanga vanamulangeka mu cikasa cakulila vingombe.”

Luka 2:12 Iomraidhean Croise

2 Vimyene 19:29

“Eci cikeco cimweso ca vije vikasholoka. Mwaka uno na mungolosika, mukalya lika vimbuto vyakulimenena mu shwata, oloni mungolosikulula mukalima tiliku nakuyiteja, co mukakuna mikolovozi ya vushuka vwa vinyu, nakulya vushuka vwakwo.

2 Vimyene 20:8

Co Mwene Hezekiya wehwile ngwendi, “Cimweso mukajo cikamwesa ngeci Shukulu Kalunga akanjikangwisa, omo kuneti matangwa atatu, ngeci njase kuya ku Njuvo ya Shukulu Kalunga?”

Myaso 22:6

Oloni yange kunjapwile lalo nji munu, njinapu lika nji musonginyi, njinapu nji munu wakushauka, munu uje ivakayeluwisa vanu voshe!

Kutuuka 3:12

Njambi wamukumbulwile ngwendi, “Yange njikakala amo nove, co eci cikapwa cizivukiso kuli yove ngeci yange njakutumu. Omo ukatundisa vanu vaIsalele mu Ingito, co mukanjilemesa a munkinda uno vene.”

Isaya 7:11

“Lomba kuli Shukulu Kalunga Njambi yove ngeci akwane cimweso. Cilombe casa kutunda mwa kulova mwisi ya vukalo vwa vatsi nambe mwilu ya melu.”

Isaya 7:14

Ngecivene, Shukulu Kalunga ikeye vavenya akamyana cimweso, kengeni mumbanda uje kanda alimone na munalume akakala na limo, co akakita mwana wa munalume, vakamuluka lizina lyendi ‘Manuwele.’

Luka 2:13

Vwasi-vwasi kwasholokele mbunga yakama ya tungelo va mwilu vemanene amo na kangelo, vembile nakushangazala Njambi ngwavo,

Luka 2:7

Co wakitile munendi wa ntwatwa wa munalume, wamuzengelele a vinanga, wamulangekele mu cikasa cakulila vingombe, omwo kukwakele mulili mu njuvo yakutulila vangenzi.

1 Samwele 2:34

Omo vana vove vavali Hofene, na Finehase vakatsa litangwa limolika, co eci cikakumwesa ngeci vyoshe vinjendeka vinapu vya vushunga.