Luka 19:8 - Livulu lya Shukulu Kalunga

⁸ Co Sangeo wemanene nakwendeka kuli Mwene ngwendi, “Tolilila Shukulu, njikana litambelo lya vufuko vwange kuli tuutu, nga njatambwile cimo kuli umo mu ngila ya makuli, co njikamufweta visimbu viwana.”

Luka 19:8 Iomraidhean Croise

2 Samwele 12:6

Omwo nalingi cuma ca muuka, napande kwingisamo vimanga vawana kutuvakana uje yanambatele.”

Myaso 41:1

Navezika munu uje ayongola ali vaka-kuzeya, Shukulu Kalunga akamukwasa a litangwa lya tuyando.

Kutuuka 20:16

“Kesi mukavangele mukweni vukaleo vwa makuli.

Visimo 6:31

oloni nga uje mwizi vanamukwata, co napande kufweta visimbu vitanu na vivali, a vyuma vije vyevile, co napande kufweta vyoshe vije vyali navyo.

Ezekiyele 33:15

nga elwisa cuma cije cambatele kupwa cishimbikiya, nambe kwilwisa vije wevile, nga alikela kulinga vuvi, co akavangeya mashiko aje aana mwonyo, kakatsi embwe, oloni akayoya.

Kulava 5:7

munu wa cifwa eci napande kulitavela vuvi vwendi vwanavulumuna nakufweta mulonga woshe, co awezeleleko litambelo lya ndando makumi avali nakufwetela uje yanavulumwina.

Luka 11:41

Oloni aneni vili mu vinganja vyeni na mu malonga eni kuli tuutu, co vyuma vyoshe vikapwa vyakujela kuli yeni.

Luka 12:33

Landeseni vyoshe mulinavyo, co aneni vimbongo kuli vaka-kuutwa. Litongeleni vinkombe vije kuvyesi kutuvika, co litulikileni vufuko mwilu, kuje kuvwasa kutepuluka, omwo mwizi kasa kukovelamo, nambe tunembulu kuvasa kuvuviisa.

Luka 16:9

Yesu watwaleleo kwendeka ngwendi, “Njimileka ngwange, kwateni vusamba na vufuko vwa ano a kaye, ngeci omo vukahwa, co vakamitambula mwamuvwa mu limbo lije lya myaka yoshe.

Luka 19:7

Vanu voshe vaje vacimwene vangungutile ngwavo, “Munalume ou nai ngwe mungenzi ku njuvo ya muka-vuvi!”

Luka 7:13

Omo Mwene wamumwene, co wamuzivilileko mema ku mbunge, co wendekele kuli ikeye ngwendi, “Kesi ulile.”

Luka 7:19

wavatumine kuli Mwene nakumwihula ngwavo, “Yove vene uje yatumbwile Yowano ngwendi akaija, indi tuvandamene weka lalo?”

1 Samwele 12:3

Yange uno. Nga kuli cuma cimo njamiviisilile, citumbuleni ololo ku mesho a Shukulu Kalunga na ku mesho a mwene ou yanaangula. Kwali munu umo injanyekele ngombe yendi wa lwavo nambe cimulu? Indi kwali munu umo injakwisile nambe injayandesele? Indi kwali munu umo injatavele kutambula vimbongo vya lizika-kanwa? Nga njalingileo cuma cimo, co njiilwise vije njatambwile.”