Luka 19:47 - Livulu lya Shukulu Kalunga

⁴⁷ Yesu wakele nakulongesa mu Njuvo ya Shukulu Kalunga a litangwa na litangwa. Co vakulunu va vaka-kukombelela na valongisi va majwi a Lishiko na vantwama va vanu vashakele kumutsiya,

Luka 19:47 Iomraidhean Croise

Mateo 21:23

Co omo Yesu wakovelele mu Njuvo ya Shukulu Kalunga, co omo wavalongesele, vakulunu va vaka-kukombelela na vakulunu vezile kuli ikeye, vamwihwile ngwavo, “Na moko yeyajo ulinakulinga nayo vyuma evi? Iyajo nakwana moko eyi?”

Mateo 26:55

Asinoni Yesu wendekele na mbunga ije ngwendi, “Kuma munaija na mikwale na vimbweti mukunjikwata ngwe lipwepwe ndi? Njatumbamene nakulongesa mu Njuvo ya Shukulu Kalunga matangwa oshe, co kumwanjikwatele.

Mako 11:18

Co vakulunu va vaka-kukombelela na valongisi va majwi a Lishiko akuziva evi, vashakezekele ngila imo ngeci vamutsiilemo Yesu. Vakele na lyova ali ikeye, omwo mbunga yoshe valikomokelele a vilongesa vyendi.

Mako 12:12

Co vantwama va vaYunda vashakele kukwata Yesu, omwo vazivukile ngwavo Yesu navatela cisimo eci mukuvalwisa. Oloni vazivile lyova lya mbunga ya vanu, ngecivene, vamusezele, co vaile.

Mako 14:1

Kwasalele matangwa avali ngeci kukale Ciwano ca Pasovala na Ciwano ca Makende Akujeneka Musima. Co vakulunu va vaka-kukombelela na valongisi va majwi a Lishiko vakele nakusetela ngila yakukwata Yesu mu vushweke, co vamutsiye,

Mako 14:49

A litangwa na litangwa njakele neni mu Njuvo ya Shukulu Kalunga nakulongesa, co kumwanjikwatele, oloni Visoneka vinapande kulingiwa.”

Luka 19:48

oloni kuvasele kuwana ngila muka vasa kucilinga, omwo vanu voshe vakele nakumutolilila ngeci kesi valojeo nambe lijwi limo.

Luka 20:19

Co valongisi va majwi a Lishiko na vakulunu va vaka-kukombelela vayongwele kukwata Yesu aje vene, omwo vazivukile ngwavo cisimo eci nacitela vakevo, oloni vatewele vanu.

Yowano 10:39

Vashakele lalo kumukwata, oloni ikeye walavukile watundile mu mavoko avo.

Yowano 18:20

Yesu wakumbulwile ngwendi, “Visimbu vyoshe njakele nakwendeka citona-mesho ku vanu voshe, vilongesa vyange vyoshe njavilongeselele mu masinangonge na mu Njuvo ya Shukulu Kalunga, kuje vakele nakukungulukila vanu voshe. Kunjendekele cuma cimo mu vushweke.

Yowano 7:19

Kuma kesi Mosesa wamyanene Lishiko ndi? Oloni na umo wai akati keni ononoka Lishiko eli. Omwo vikajo mushaka kunjitsiya?”

Yowano 7:44

Vamo vashakele kumukwata, oloni naumo wai wakambekele livoko ali ikeye.