Luka 19:4 - Livulu lya Shukulu Kalunga

⁴ Ngecivene, washatukilike kulutwe lwa mbunga, co walondele ku muti wa linongo ngeci amone Yesu uje wetilile mu ngila ije.

Luka 19:4 Iomraidhean Croise

1 Vimyene 10:27

A simbu yakushwana kwendi, siliva yapwile yaingi mu Yelusalema ngwe mamanya angoco, na viti vya kendale vyatumine manene ngwe viti vya malumbeni mu lifuti lya ku vushelumukilo vwa malundu lya Yunda.

1 Mizimbu 27:28

Mbale Hanane wa ku Ngendele ikeye wakele nakukenga a miti ya olive na mikuyu ije yakele mu lifuti lya ku vushelumukilo vwa malundu lya mu kangombe ka yambi, Yowashe ikeye wakele nakukenga a vinjuvo vyakutulikila mazi a olive.

2 Mizimbu 1:15

A simbu yakushwana kwendi, siliva na ngolinde vyapwile vyavingi mu Yelusalema ngwe mamanya angoco, na miti ya kendale yatumine manene ngwe miti ya mikuyu mu lifuti lya ku vushelumukilo vwa malundu lya Yunda.

2 Mizimbu 9:27

A simbu yakushwana kwendi, siliva yapwile yaingi mu Yelusalema ngwe mamanya angoco, na miti ya kendale yatumine manene ngwe miti ya mikuyu mu lifuti lya ku vushelumukilo vwa malundu lya mu Yunda.

Myaso 78:47

Ikeye lalo waviisile miti yavo ya mikolovozi ya vushuka vwa vinyu na nyonzi ya mamanya, na miti ya mikuyu waiviisile na mbundu.

Isaya 9:10

“Nambe vinjuvo vya vindopi vyalundumukila asi, oloni tukatunga vinjuvo vyeka vya mamanya akushonga. Nambe vanashinji miti ya mikuyu, oloni tukengisamo miti yaivwa ya kendale.”

Amose 7:14

Co Amose wakumbulwile ngwendi, “Yange kesi nji muka-kwimanena wakwambulwila fweto embwe. Yange nji kanyungi, nji muka-kunyunga miti ya mikuyu.

Luka 17:6

Mwene wavakumbulwile ngwendi, “Nga mwakele nakukulaela kwakama ngwe mbuto ya musalata, ngwe mwasa kwendeka ku muti ou wa mukuyu ngweni, ‘Tukuka ukashimbame mu mema a kalunga!’ Co ukewo umyononoka.

Luka 19:3

Ikeye washakele kumona Yesu, oloni kasele kumumona omwo Sangeo wapwile munalume wamwihi, co lalo omwo mbunga yaingi.

Luka 19:5

Omo Yesu wetele a mutambela uje, wakengele kwilu, co wendekele kuli Sangeo ngwendi, “Shuluka vwasi Sangeo, omwo litangwa lyalelo njikakala ku njuvo yove.”

Luka 5:19

Omwo mbunga ya vanu, kuvawanene ngila yakumukovelesa mukati. Ngecivene, vamutwalele akamwa ya njuvo, vatuvile mbengwa mu mateya, co vamusoselele na linala lyendi asi mukati ka mbunga kulutwe lwa Yesu.