Luka 19:27 - Livulu lya Shukulu Kalunga

²⁷ Ngecivene, ngwe ava vitozi vange vaje kuvashaka ngeci yange njipwe mwene yavo, vaneneni kuno nakuvatsiila ku mesho ange!’ ”

Luka 19:27 Iomraidhean Croise

2 Samwele 23:7

Kuvanga kupangesa cikuvo nambe likunga, vakawenyeka oshe njwa.

Myaso 109:20

Eci cipwe cihiso cakama ku vitozi vange cakutunda kuli Shukulu Kalunga, vitozi vaje vendeka vyuma vyavivi ali yange.

Myaso 2:9

Ukavapokola na mulamu wa cikuvo, nakuvasanyozola vimbazuvwila-mbazuvwila, ngwe vitambi vya ndeo ya vuma.’ ”

Isaya 66:14

Omo mukamona vyuma evi vilingiwa, co mukavwaelela, cikamilingisa kukala na nzili na vuvwa. Asinoni mukazivuka ngweni yange Kalunga, njikwasa vaje vaka-kunjononoka, co njikamwesa vukalu vwange kuli vitozi vange.”

Isaya 66:6

Tolilileni muyoyo wakama uje uli mu nganda, na cililimo cije cili mu Njuvo ya Shukulu Kalunga, cinapu cililimo ca Shukulu Kalunga ahisa vitozi vendi!

Nahumi 1:2

Shukulu Kalunga Njambi kesi kutavesa vanu vaje valemesa tumponya, akanyanyamesa vaje vamuzinda. Omo vakevo vamuluvalesa, co avalinga shambandinga.

Nahumi 1:8

Akanyongesa vitozi vendi njwa ngwe mulikajalela livazi, atwala ku kutsa vaje vamuyeluwisa.

Mateo 22:7

Mwene waluvalele manene, co watumine mashwalale vendi vaile nakutsiya vaje vatsiile vaje vindungo, co venyekele nganda yavo.

Luka 19:14

Oloni vanu va mu lifuti lyendi vamuzindile manene, co vatumine miluwa munima yendi ngwavo, ‘Ou munalume kutumushaka apwe mwene yetu embwe.’

Luka 20:16

Akaija nakutsiya vaje vanu nakwana cije citungu ku vaka-kupanga veka.” Co omo vanu vazivile evi, vendekele ngwavo, “Mwa vushunga vene kesi ngoco embwe!”

Luka 21:22

Omwo aje akewo matangwa akunyanyamesa ngeci vyuma vyoshe vije vivendekele mu visoneka vipwe vya vushunga.

Luka 21:24

Vamo vakavatsiya na mukwale, co vakwavo vakavatwala vunzinda ku mafuti eka, co vaka-kujeneka kukulaela vakalyatangela Yelusalema noo simbu yavo inete.

VaHevelu 10:13

Kuje ikeye navandamena noo Njambi akaka vitozi vendi kupwa vilyatelo vya myanja yendi.

1 Samwele 11:12

Asinoni vanu va Isalele vendekele kuli Samwele ngwavo, “Vali kulijo vaje vanu vendekele ngwavo, ‘Saulu kapandele kupwa mwene yetu?’ Twanenivo tuvatsiye.”