Luka 18:7 - Livulu lya Shukulu Kalunga

⁷ Kuma Njambi kasa kwakula mu vushunga kuli vanu vendi vaje valinakulilila kuli ikeye vutsiki na mutanya ngeci avakwase? Kuma ngweni akeshwala mukuvakwasa ndi?

Luka 18:7 Iomraidhean Croise

Myaso 88:1

Yove Shukulu Kalunga Njambi muyoyesi wange, njitambeka kuli yove mutanya na vutsiki.

Myaso 9:8

Ikeye ashika kaye mwamuvwa, nakusompa vanu mu vushunga.

Kutuuka 22:23

Nga yeni mucilinga, co yange Kalunga, njikavakumbulula omo valinakuteta ngeci vavakwase,

Isaya 40:27

Isalele, omwo vikajo ulinyenga ngwove, “Shukulu Kalunga kazivuka tuyando twove, nambe kukunyunga nga uyanda kwakujeneka mulonga?

Hambakuke 2:3

Cisoneke, omwo simbu kanda yete ngeci vyuma evi vikalingiwe. Oloni simbu ilinakwija vwasi omo vyuma evi njilinakukumwesa vikalingiwa. Nameme vene vikevyo vinambata simbu ngeci vilingiwe, vandamena lika, vikevyo vikalingiwa a simbu injemika, kuvikeshwala embwe.

Mateo 24:22

Co nga Njambi kaakeesele matangwa aje, nga munu naumo wai akovoka. Oloni naakeesa omwo vanu vendi vaje vaangwile.

Mateo 24:24

Omwo kukasholoka vaKuvwavesa va makuli na vaka-kwimanena va makuli, vakamwesa vizivukiso na vikomokeso vyakama, ngecivene, vakatangule nameme vaje vavaangwile kuli Njambi nga citava.

Mateo 7:11

Inonwa yeni vaka-vuvi, muzivuka kwana vyuma vyavivwa kuli vana veni, kuma Ishweni wa mwilu kakatuvakana manene kwana vyuma vyavivwa kuli vaje vamulomba ndi?

Luka 11:13

Inonwa yeni vaka-vuvi muzivuka kwana vyuma vyavivwa kuli vana veni, kuma Ishweni wa mwilu kakatuvakana manene kwana Munzinzime Wakujela kuli vaje vamulomba ndi?”

Luka 2:37

cooni wapwile fwile a myaka makumi atanu na atatu na myaka iwana. Ikeye katundile mu Njuvo ya Shukulu Kalunga, mutanya na vutsiki wakele nakulemesa Njambi, nakulikela kulya nakulombela.

Luka 21:28

Omo vyuma evi vikashangumuka kulingiwa, katukeni mukenge kwilu, omwo kupatuka kweni kuli muyehi.”

Loma 8:33

Iyajo asa kuvangela vaje vanaangula Njambi? Njambi ikeye muka-kuvasambesa.

Kolose 3:12

Yeni munapu vanu va Njambi, wamizemene, co wamyangwile kupwa mu vendi. Ngecivene, munapande kuzala lyovwa-ovwa, na ngozi, na kulilumbilisa, na vuvwa na lukakateya.

1 Tesalonika 3:10

Mutanya na vutsiki tulinakumulomba na vimbunge vyetu vyoshe ngeci atutave kumimona mesho na mesho nakumyana vije vimunajeneka mukukulaela kweni.

2 Tesalonika 1:6

Njambi akalinga vije vyavivwa, co akanena tuyando ali vaje valinakumiyandesa,

1 Timateo 5:5

Fwile uje alinakuyoya endi lika, uje kesi na uje mukakumulela, uje naaka cinyangavili cendi muli Njambi na kukakateya mukulombela vutsiki na mutanya ngeci amukwase.

2 Timateo 1:3

Njikandelela kuli Njambi, uje njilinakupangela na citaku-taku cakutungukwa ngwe muvalingile vakukulwila vange. Njikamukandelela omo njikakwanuka simbu yoshe mu malombelo ange vutsiki na mutanya.

2 Timateo 2:10

Ngecivene, njilinakuyanda mu vyuma vyoshe omwo ali vanu va Njambi vakwangula, ngeci na vakevo lalo vatambule kwovoka kwa muli Kilistu Yesu amo na vumpau vuje vwa myaka yoshe.

Tito 1:1

Mukanda wakutunda kuli yange Paulu, ngamba ya Njambi na muluwa wa Yesu Kilistu. Vanjangwile nakunjituma mukukwasa kukulaela kwa vanu va Njambi vakwangula nakuvatwamenena ku vushunga vuje vuvavalongesele ku futisi yakulemesa Njambi,

1 Petulu 1:1

Mukanda wakutunda kuli yange Petulu, muluwa wa Yesu Kilistu. Kuli vanu va Njambi vakwangula vaje valinakuyoya ngwe vangenzi mu mafuti oshe a Pontase na Ngalatiya na Kapandosiya na Asiya na ku Mbitaniya.

2 Petulu 3:9

Mwene kesi kwishwala akulinga cije canakulaesa, ngwe muvakayongola vamo. Oloni muka-lukakateya ali yeni, omwo kashaka umo akanyonge, oloni ashaka ngeci voshe vatenguluke kutunda ku vivi vyavo.

Kujombolola 18:20

“Lilu vwaelela, omwo nau! Yeni vanu va Njambi vwaeleleni, neni miluwa na vaka-kwimanena! Omwo Njambi namuhisa a vije vyalingile kuli yeni!”

Kujombolola 6:10

Co vatambekele na lijwi lyakama ngwavo, “Shukulu Kalunga Muka-nzili yoshe, wakujela na vushunga! Simbu mukajo ukakala ngeci ukasompe vanu va asi nakuvanyanyamesa omwo vatutsiile?”

Kujombolola 7:15

Mukemwo vanemana kulutwe lwa litanda lya Njambi nakumupangela mutanya na vutsiki mu Njuvo yendi. Co uje natumbama a litanda akavanyunga.