Luka 18:39 - Livulu lya Shukulu Kalunga

³⁹ Vanu vaje vatwamene kulutwe vamuvindikile ngeci oloke kuluu. Oloni ikeye watambekele manene-nene ngwendi, “Ove Muna Ndaviti! Njizivileko mema ku mbunge!”

Luka 18:39 Iomraidhean Croise

Myaso 141:1

Shukulu Kalunga, njitambeka kuli yove ngeci unjikwase, njitolilile omo njitambeka kuli yove.

Mateo 7:7

“Lombeni, co mukatambula, seteleni, co mukawana, toteni, co vakamishokolwela.

Mateo 8:26

Co Yesu wavakumbulwile ngwendi, “Omwo vikajo muli na lyova lyangacije, yeni vaka-kukulaela kwakundondo?” Asinoni wakatukile wolwesele lihunzi na mankimba, co kwalendamene kuluu.

Mateo 9:27

Co omo Yesu watundile kuje, tupuputwa vavali vakele kuje vamukavele, vatambekele ngwavo, “Ove muna Ndaviti, tuzivileko mema ku mbunge!”

Luka 11:52

“Tuyando tweni, valongisi va majwi a Lishiko! Munanyungu sapi yakushokolwesa ku cikolo ca mana, oloni yeni vavenya kumwesi kukovelamo, nambe vaje veseka kukovelamo kumwesi kuvatavesa!”

Luka 18:1

Yesu wavatelelele cisimo eci cakuvalongesa ngeci simbu yoshe vanapande kulombela nakujeneka kuzeya.

Luka 18:15

Asinoni vanu vamo vamunenelele vanike vavandondo ngeci avakambeke mavoko. Oloni omo vandongesi vendi vavamwene, co vavavindikile

Luka 18:38

Co watambekele ngwendi, “Ove Yesu! Muna Ndaviti! Njizivileko mema ku mbunge!”

Luka 18:40

Yesu wemanene nakushika ngeci vamunene kuli ikeye. Omo washwenyele muyehi, wamwihwile ngwendi,

Luka 19:39

Co vaFaliseo vamo vaje vakele mu mbunga vendekele kuli Yesu ngwavo, “Mulongisi, leka vandongisi vove voloke kuluu!”

Luka 8:49

Omo Yesu acili nakwendeka evi, co muluwa wezile watundile ku njuvo ya Njailosi, walekele Njailosi ngwendi, “Munove natsi, kesi upakese Mulongisi.”

2 Kolinte 12:8

Visimbu vitatu njalombelele kuli Mwene a cuma eci, co njamwihwile ngeci acitundise.