Luka 18:37 - Livulu lya Shukulu Kalunga

³⁷ Vamulekele ngwavo, “Yesu wa ku Nazaleta alinakwita.”

Luka 18:37 Iomraidhean Croise

Mateo 2:23

Co wakele mu limbo livatumbwile ngwavo Nazaleta, ngeci vilingiwe vije vyendekele muka-kwimanena ngwendi, “Vakamutumbula muka-Nazaleta.”

Luka 18:36

Co omo wazivile mbunga ilinakwita, co wehwile ngwendi, “Ovyo vika?”

Luka 18:38

Co watambekele ngwendi, “Ove Yesu! Muna Ndaviti! Njizivileko mema ku mbunge!”

Luka 2:51

Yesu waile navo ku Nazaleta, co kuje wakavononokele. Vaina vanyungile vyuma vyoshe evi mu mbunge yavo.

Yowano 1:45

Filipu wawanene Natanele, co wamulekele ngwendi, “Tunawana uje yasonekele Mosesa mu livulu lya Lishiko, uje lalo ivasonekele vaka-kwimanena. Ikeye Yesu muna Yosefa, wa ku Nazaleta.”

Yowano 19:19

Pilato wasonekele majwi a livaya walyakele a cilindakano. Wasonekeleo ngwendi, “Ou ikeye Yesu wa ku Nazaleta, Mwene wa vaYunda.”

Vilinga vya Miluwa 2:22

“Tolilileni ku majwi awa, yeni vakwetu vaIsalele! Yesu wa ku Nazaleta wapwile munalume uje moko yendi ya vuNjambi yasholwele mwamuvwa kuli yeni vikomokeso na vizivukiso vije vyalingile Njambi muli ikeye. Yeni vavenya mwazivuka evi, omwo vyuma evi vyalingiwile akati keni.

Vilinga vya Miluwa 4:10

asinoni yeni voshe munapande kuzivuka, na vanu voshe va mu Isalele vanapande kuzivuka ngeci munu ou nemana ku mesho eni nakanguka mwamuvwa mu nzili ya lizina lya Yesu Kilistu wa ku Nazaleta, uje imwashukikile a cilindakano, uje yasangwile Njambi ku vatsi.

2 Kolinte 6:2

Tolilileni vika Njambi alinakwendeka ngwendi, “Njamitolililile mu simbu yange yaivwa, njamikwasele mu litangwa lyakwovoka.” Kengeni, eyi ikeyo simbu yaivwa, kengeni, lelo likelyo vene litangwa lyakwovoka!