Luka 18:31 - Livulu lya Shukulu Kalunga

³¹ Yesu watwalele vandongisi vendi likumi na vavali kwavo lika, co wendekele kuli vakevo ngwendi, “Tolilileni! Tulinakuya ku Yelusalema kuje vyuma vyoshe vije vivasonekele kuli vaka-kwimanena vya ali Muna Munu ngeci vikalingiwe.

Luka 18:31 Iomraidhean Croise

Ndanyele 9:26

Co akukotoka ntwama uje yaangwile Njambi vakamutsiya kwakujeneka mulonga. Nganda na Njuvo ya Shukulu Kalunga vakayinyongesa kuli muka-kushwana uje akakalako. Kukotoka kukaija ngwe livazi, kunena nzita nakunyongesa vije vyanavwaesa Njambi.

Zakaliya 13:7

Shukulu Kalunga Muka-nzili yoshe alinakwendeka ngwendi, “Induka mukwale, ngeci ulwe na kanyungi kange uje muka-kunjipangela! Mutsiye, co vimanga vakalishandoka. Yange njikalwisa vanu vange,

Mateo 16:21

Kutunda a simbu ije, Yesu washangumukile kuleka vandongisi vendi ngwendi, “Njinapande kuya ku Yelusalema, nakuyanda manene ku mavoko a vakulunu, na kuli vakulunu va vaka-kukombelela, na kuli valongisi va majwi a Lishiko. Co vakanjitwala ku kutsa, oloni omo kuneti matangwa atatu njikasanguka.”

Mateo 27:63

vendekele ngwavo, “Shukulu, twanuka uje muka-kukwisa omo wakele nakuyoya wendekele ngwendi, ‘Njikasanguka omo kuneti matangwa atatu.’

Mako 8:9

Co vanu vaje vakeleko vapwile 4,000.

Luka 10:30

Yesu wakumbulwile ngwendi, “Kwakele munu umo watundile ku Yesusalema waile ku Yeliko, co waliwanene na mapwepwe, vamulwisile, vamushulwile vuzalo vwendi, nakumupupanga nakumuseza ashaka kutsa.

Luka 9:22

Co wendekele lalo kuli vakevo ngwendi, “Muna Munu napande kuyanda manene, co vakulunu vakamuvyana na vakulunu va vaka-kukombelela, na valongisi va majwi a Lishiko. Co vakamutwala ku kutsa, oloni munima ya matangwa atatu akasanguka.”

Luka 9:51

Omo matangwa ashwenyele kuyehi ngeci Yesu vamutwale mwilu, watengulwile viyongola vyendi, co waile ku Yelusalema.