Luka 18:22 - Livulu lya Shukulu Kalunga

²² Omo Yesu wazivile evi, wendekele kuli ikeye ngwendi, “Kunalitulu cuma cimo ciwunapande kulinga. Ya ukalandese vyoshe ulinavyo ukaane vimbongo ku tuutu, co ukakala na vufuko mwilu, asinoni wije unjikave.”

Luka 18:22 Iomraidhean Croise

Myaso 27:4

Njehwile Shukulu Kalunga cuma cimolika, cuma cimolika cinjishaka, kukala mu Njuvo ya Shukulu Kalunga simbu yoshe ya mwonyo wange, ngeci njimone vuvwa vwendi, nakumulomba ngeci anjitwamenene.

Mateo 19:21

Yesu wamulekele ngwendi, “Nga ushaka kupwa wakulamba, ya ukalandese vyoshe ulinavyo ukaane vimbongo ku tuutu, co ukakala na vufuko mwilu, asinoni wije unjikave.”

Luka 10:42

oloni kuli cuma cimo ciwunapande kulinga. Maliya naangula cuma cacivwa cije naumo wai lalo akamutambulaco.”

Luka 12:33

Landeseni vyoshe mulinavyo, co aneni vimbongo kuli vaka-kuutwa. Litongeleni vinkombe vije kuvyesi kutuvika, co litulikileni vufuko mwilu, kuje kuvwasa kutepuluka, omwo mwizi kasa kukovelamo, nambe tunembulu kuvasa kuvuviisa.

Luka 16:9

Yesu watwaleleo kwendeka ngwendi, “Njimileka ngwange, kwateni vusamba na vufuko vwa ano a kaye, ngeci omo vukahwa, co vakamitambula mwamuvwa mu limbo lije lya myaka yoshe.

Luka 18:21

Co uje munalume wakumbulwile ngwendi, “Mashiko oshe awa njawononoka laja tunde kuvwanike vwange.”

Luka 18:23

Oloni omo uje munalume wazivile lijwi eli, wakele na vusiwa manene, omwo ikeye wakele na vufuko vwavungi.

Luka 9:23

Co wendekele kuli vakevo lalo ngwendi, “Nga munu ashaka kunjikava, napande kulivyana ikeye vavenya, ambate cilindakano cendi a litangwa na litangwa, co anjikavangeye.

Filipu 3:13

Mwa vushunga vene, vasamba vange, kunjasa kuyongola ngwange njacitambula laja embwe, nameme ngoco, njilinga cuma cimolika, njivale vyuma vili munima yange, co njilyolwela kuli vije vili kulutwe lwange.

2 Petulu 3:8

Oloni kesi mwivale cuma cimo vasamba vange vanjazema! Ku mesho a Mwene litangwa limo linapu ngwe myaka yakupwa 1,000, co myaka yakupwa 1,000 kuli ikeye inapu litangwa limo.