Luka 18:12 - Livulu lya Shukulu Kalunga

¹² Njikalikela kulya matangwa avali a simano a simano, co njikana cimo kulikumi ca vyoshe njikawana.’

Luka 18:12 Iomraidhean Croise

2 Vimyene 10:16

co wendekele ngwendi, “Tuye tuvavoshe ngeci ukamone munjalilambula kuli Shukulu Kalunga.” Co vaile amolika mu litemba ku Samaliya.

Isaya 1:15

“Omo mujundula mavoko eni mukulombela, kunjikamikenge embwe, nambe mulombela malombelo amangi-mangi, kunjikamizivi, omwo mavoko eni anashulu na maninga.

Malakiya 3:8

Kuma munu asa kwivila Njambi ndi? Oloni mulinakunjivila. Co mwihula ngweni, ‘Tulinakukwivila vatijo?’ Akunjana cavulikumi na vin̄ombelo.

Kulava 18:24

omwo njinavana cavulikumi cije civananjana vaIsalele, ngeci cipwe vushwana vwavo. Mukemwo njavaleke ngwange kuvakakala na vushwana nambe vufuko mu Isalele.”

Kulava 23:4

Aje vene Njambi waliwanene nendi. Co Mbalame wendekele kuli Njambi ngwendi, “Njinatungu laja mitula itanu na ivali a mutula umo na umo njinakombelelao ngombe wa nkomba na lijamba lya manga.”

Mateo 5:20

Omwo njimileka ngwange, nga mushaka kukovela mu Vumwene vwa mwilu, kuvanga mupwe va kulongwa manene kutuvakana valongisi va majwi a Lishiko na vaFaliseo, nga ngoconi, co kumukakovela mu Vumwene vwa mwilu.

Mateo 6:1

“Nyanyameni kutewa mulingila vushunga vweni ku mesho a vanu ngeci vanu vamone vije vimulinakulinga. Nga mulinga vyuma vije ku mesho a vanu, kumukatambula cikandelela kuli Ishweni uje ali mwilu.

Mateo 6:16

“Co omo mulikela kulya, kesi mwombwe ngwe muvakalingi vaka-civembulu. Omwo vakevo vakaviisa vihanga vyavo, ngeci vanu vavamone ngwavo vanalikela kulya. Mwa vushunga njimileka ngwange, vanatambula laja cikandelela cavo.

Mateo 6:5

“Co omo mulombela, kesi mulombele ngwe vaka-civembulu, omwo vakevo vazema kwimana nakulombela mu masinangonge na masambwa-ngila, ngeci vanu voshe vavamone. Mwa vushunga njimileka ngwange, vanatambula laja cikandelela cavo.

Mateo 9:14

Asinoni vandongisi va Yowano Muka-kumbwitika vezile kuli Yesu nakumwihula ngwavo, “Omwo vikajo yetu na vaFaliseo tukalikela kulya visimbu vyavingi, oloni vandongisi vove kuvesi kulikela kulya?”

Luka 11:42

“Tuyando tweni, vaFaliseo! Yeni mukaana kuli Njambi camulikumi a vyuma mukatovesa vyakulya ngwe visapa-sapa amo akunika, na luku, na visapa-sapa vikwavo, oloni muzinda vushunga nakuvyana cizemo ceni kuli Njambi. Evi munapande kuvilinga kujeneka kulikela kulinga vije vikwavo.

Luka 17:10

Cinapu mumo neni lalo, omo munalingi vyoshe vije vamilekele kuvilinga, endekeni ngweni, ‘Tu vangamba vangoco, tunapanga vipangi vyetu!’ ”

Loma 3:27

Asinoni kulishasha kuli kulijo? Kwaiko vene! Omwo twononoka Lishiko ndi? Embwe, oloni omwo tukulaela.

1 Kolinte 1:29

Ngecivene, naumo wai asa kulishasha ku mesho a Njambi.

Ngalatiya 1:14

Njahyanene vakwetu vamo va vaYunda vaje twakolelele amo omwo njanyanyamene manene ku futisi ya vuYunda, co njalikundikile manene ku vilika vya vakukulwila vetu.

Efeso 2:9

kesi a vilinga, kutewa munu alishashe.

1 Timateo 4:8

Omwo akupangesa muvila cili na seo kamandondo, oloni kupangesa vya munzinzime vili na seo yakama manene mu vyuma vyoshe, omwo muvuvali vwavyo vikulaesa kuyoya kwa lelo nakuyoya kwa kulutwe.

1 Samwele 15:13

Samwele walamatele waile kuli Saulu, co Saulu wamukandelelele, wendekele ngwendi, “Shukulu Kalunga akuvezikise, Samwele! Njinononoka lishiko lya Shukulu Kalunga.”