Luka 17:20 - Livulu lya Shukulu Kalunga

²⁰ VaFaliseo vamo vehwile Yesu ngwavo, “Simbu ikajo Vumwene vwa Njambi vukaija?” Wavakumbulwile ngwendi, “Vumwene vwa Njambi kuvwasa kwija mu ngila ije mwasa kuvumona embwe.

Luka 17:20 Iomraidhean Croise

Ndanyele 2:44

A simbu ya vaka-kushwana vaje, Njambi wa mwilu akaka vumwene vuje kuvukahu. Naumo wai akavafungulula, co vukanyongesa vumwene vwoshe, oloni vukevwo vukakala myaka yoshe.

Zakaliya 4:6

Co kangelo wanjilekele kwambulula majwi awa kuli Zelumbambele akutunda kuli Shukulu Kalunga ngwange Shukulu Kalunga nendeka ngwendi, “Yove ukahyana, kesi na nzili ya vushwalale nambe na nzili yove vavenya embwe, oloni na Munzinzime wange.

Luka 10:11

‘Likungu lya nganda yeni lije lili ku myanja yetu tuli nakumitotomwenalyo. Oloni anukeni ngweni Vumwene vwa Njambi vunaija kuyehi neni!’

Luka 14:1

Yesu wakovelele mu njuvo ya mukulunu umo wa vaFaliseo nakulya nendi a Litangwa Lyakuhwima, co vanu vamukengelele.

Luka 16:16

“Lishiko lya Mosesa na visoneka vya vaka-kwimanena vyakele na nzili kweta a simbu ya Yowano Muka-kumbwitika, oloni tunde a simbu ije Vin̄anda Vyavivwa vya Vumwene vwa Njambi valinakuvyambulula, co munu na munu alinakulicikinina ngeci akakovelamo.

Luka 19:11

Omo vanu vakele nakutolilila ku vyuma evi, Yesu wavatelele cisimo. Ikeye wakele kuyehi na Yelusalema, co vayongwele ngeci Vumwene vwa Njambi ololo vusholoka.

Yowano 18:36

Yesu wakumbulwile ngwendi, “Vumwene vwange kesi vwa ano a kaye embwe, nga vumwene vwange vwapwile vwa ano a kaye, nga vandongisi vange vanalu kutewa vanjana kuli vaka-kushwana va vaYunda. Oloni vumwene vwange kesi vwa ano a kaye!”