Luka 17:2 - Livulu lya Shukulu Kalunga

² Mwamuvwa kuli ikeye nga vamukutiiya limanya lyakama lyakulolela vunga mu mukoshi wendi nakumumbila mu mema a kalunga kutuvakana atanganese mwanike umo wamundondo kulinga vuvi!

Luka 17:2 Iomraidhean Croise

Isaya 40:11

Akanyunga vutanga vwendi mwamuvwa ngwe kanyungi, akakungulwila amolika vana va vimanga, nakuvambata mu mavoko endi, co akatwamenena vainavo kamandondo-kamandondo.

Zakaliya 13:7

Shukulu Kalunga Muka-nzili yoshe alinakwendeka ngwendi, “Induka mukwale, ngeci ulwe na kanyungi kange uje muka-kunjipangela! Mutsiye, co vimanga vakalishandoka. Yange njikalwisa vanu vange,

Mateo 17:27

Oloni kutewa tutanukisa ava vanu, ngecivene, ya ku lishali, ukalovele. Co uje isi ukalovela akulivanga, co omo ukafukula mu kanwa kendi, co ukawanamo mbongo, yambate ukafwete lisimu lya Njuvo ya Shukulu Kalunga nove nange.”

Mateo 18:10

“Kengeni ngeci kesi muyengule umo wa ava vavandondo. Omwo njimileka ngwange, simbu yoshe tungelo twavo vali mwilu ku mesho a Tate wa mwilu.

Mateo 18:14

Ngecivene, kesi cizango ca Ishweni ali mwilu ngeci umo wamundondo akanyonge.

Mateo 26:24

Muna Munu akatsa ngwe muje muvasonekele, oloni ngongo yendi uje enda Muna Munu vungungu! Mwamuvwa kuli munu uje nga kasemukile!”

Mako 9:42

“Nga munu umo atanganesa mwanike wamundondo ngeci kesi akulaele kuli yange, mwamuvwa munu wangacije kumukutiiya limanya lyakama lyakulolela vunga mu mukoshi wendi nakumumbila mu mema a kalunga.

Yowano 21:15

Omo vanalyaula laja, Yesu wendekele kuli Simoni Petulu ngwendi, “Simoni muna Yowano, wanjizema kutuvakana ava ndi?” Petulu wakumbulwile ngwendi, “Eyo Mwene, uzivuka ngeci njakuzema.” Yesu wendekele kuli ikeye ngwendi, “Nyunga vana va vimanga vange.”

1 Kolinte 9:15

Oloni kunjapangesele moko yange a vyuma evi embwe, nambe kunjesi nakusoneka evi ololo ngeci njilombe kukala na moko eyi. Mwamuvwa nga njinatsile akulivanga! Naumo wai atengulula moko yakulishasha kwange mu majwi amupulungwa!

1 Kolinte 9:22

Akati ka vaje vanazeye mukukulaela kwavo nange lalo njipwa ngwe umo wavo mu kuzeya, ngeci njivawane. Ngecivene, njilipwisa umo mu vyoshe kuli vanu voshe, ngeci njovoleko vamo nga citava kulingamo.