Luka 16:24 - Livulu lya Shukulu Kalunga

²⁴ Ngecivene, watambekele ngwendi, ‘Tate Avilahama! Njizivileko mema ku mbunge, tuma Lazalu ambwitike shongo ya mulavo wendi mu mema akunjitonwese a ndaka yange, omwo yange njili mu tuyando twakama mu tuhya tuno!’

Luka 16:24 Iomraidhean Croise

Yombi 20:21

Nacimo cai casaleleo cajenekele kulya, ngecivene, kufuka kwendi kukukeshwala.

Isaya 27:11

Omo minango ya miti ijujwama nakupokozoka, co vanakazi vaikungulula nakuyipwisa vitale. Oloni vanu vavo vapwa vikolokomba ngeci Njambi uje wavatangele kakavazivila mema ku mbunge nambe kuvazivilako ngozi.

Isaya 66:24

“Omo vatuuka, co vakamona mivila ya vaje vanjitengulukilile nakunjilwisa. Mainyo kuvakatsi embwe, co tuhya kutukazimi. Vanu voshe vakaziva shwamwa akumona vyuma evi.”

Zakaliya 14:12

Shukulu Kalunga akanena mushongo wakukomokesa a miyati ya vanu voshe vaje valwisa Yelusalema. Situ yavo ikavola oku vakevo vacili nakuyoya, mesho avo na vindaka vyavo vikavola.

Mateo 25:41

“Asinoni akendeka lalo kuli vaje vali ku livoko lyendi lyacimwoshwe ngwendi, ‘Tundeni kuli yange, yeni vaka-cisingo! Yeni mu tuhya tuje tuvavwaeselele Satana na tungelo twendi!

Mateo 3:9

Kesi mulyendekese mu vimbunge vyeni ngweni muli na kukulwila yeni Avilahama. Mwa vushunga njimileka ngwange Njambi asa kutengulula mamanya awa nakuwapwisa vatekulwila va Avilahama!

Mateo 5:22

Oloni yange njimileka ngwange, woshe aluvala na mukwavo vakamusompesa, co woshe uje atumbula mukwavo ngwendi, ‘Yove u cikolokomba,’ vakamutwala ku munga ya vakulunu mukumusompesa, co woshe atumbula lalo mukwavo ngwendi, ‘Yove u cilema,’ ali mu vushonde vwakuya ku mbulu ya tuhya.

Luka 16:30

Co uje fuki wakumbulwile ngwendi, ‘Embwe, tate Avilahama! Oloni nga umo asanguka ku vatsi nga aya kuli vakevo, co vakevo vakatenguluka kutunda ku vivi vyavo.’

Luka 19:9

Yesu wendekele kuli ikeye ngwendi, “Kwovoka kunete ku njuvo ino ku litangwa lyalelo, omwo munalume ou ikeye lalo muna Avilahama.

Luka 3:8

Lingeni vyuma vije vimwesa ngeci munatenguluka ku vivi vyeni. Kesi mulyendekese mu vimbunge vyeni ngweni ‘Tuli na kukulwila yetu Avilahama’. Mwa vushunga njimileka ngwange Njambi asa kutengulula mamanya awa nakuwapwisa vatekulwila va Avilahama!

Yowano 4:10

Yesu wamukumbulwile ngwendi, “Nga wazivukile vwana vwa Njambi, co nou akulomba mema akunwa, nga unamulombo, co nga nakwana mema a mwonyo.”

Yowano 4:14

oloni woshe anwa ku mema anjikamwana kakazivi lalo lihwila embwe. Mema aje anjikamwana akapwa lisima lya kavwelu-vwelu muli ikeye lije likamwana mema a mwonyo nakumwana mwonyo wa myaka yoshe.”

Yowano 7:37

Alitangwa lyakumaneselela likelyo litangwa lyakama lya ciwano, Yesu wemanene, co wendekele na lijwi lyakama ngwendi, “Woshe ali na lihwila aije kuli yange anwe.

Loma 4:12

Co ikeye lalo napu ishe ya voshe vaje vanatuuka, eci cikeco, kuli vaje, kuwezelelako kutuuka, vayoya yoyesi yakukulaela ije yayoyele tatetu Avilahama simbu kanda vamutuule.

2 Tesalonika 1:8

amo na milangi ya tuhya, nakunyanyamesa vaje vavyana Njambi, na vaje kuvesi kwononoka Vin̄anda Vyavivwa vya Mwene yetu Yesu.

Yakomba 2:13

Omwo Njambi kakasholola kutetela kwendi omo asompa munu uje kesi kutetela vakwavo, oloni kutetela kukekwo kwakama kutuvakana kusompa.

Yakomba 3:6

Co ndaka inapu ngwe tuhya. Inapu ngwe kaye ka vuvi, kanashwana mu mivila yetu nakushandwela vuvi mukuyoya kwetu kwoshe! Ishwameka yoyesi yetu yoshe na tuhya tuje tutunda mu mbulu ya tuhya.

Kujombolola 19:20

Co uje cikashama vamupwisile cinzinda, amo na muka-kwimanena wa makuli uje walingile vizivukiso ku mesho endi. (A vizivukiso vije vene akeo akwisilile vaje vakele na cizivukiso ca uje cikashama na vaje valemesele kamponya ka uje cikashama.) Uje cikashama na uje muka-kwimanena wa makuli vavombilile anga vaciyoya mu lishali lya tuhya twakushukuma na sulufa.

Kujombolola 20:15

Co woshe uje kuvasonekele lizina lyendi mu livulu lya mwonyo vamumbilile mu lishali lya tuhya.

Kujombolola 22:1

Asinoni kangelo wanjimwesele ndonga ya mema a mwonyo, yakuvyakuma ngwe kilisitale, yatundile ku litanda lya Njambi na lije lya Muna Manga,

1 Samwele 28:16

Co Samwele wendekele ngwendi, “Omwo vikajo unjisanena nga Shukulu Kalunga nakuvyana, co nemuka citozi cove?