Luka 16:22 - Livulu lya Shukulu Kalunga

²² Co uje kautu watsile, co tungelo vamutwalele ku mati ya Avilahama ku ciwano mwilu. Co lalo uje fuki nendi watsile vamutsindile.

Luka 16:22 Iomraidhean Croise

Yombi 21:13

Vakevo vayoya mu kwoloka, co vaya mu vukalo vwa vatsi kujeneka tuyando.

Visimo 14:32

Vaka-vuvi vakaliwisa vakevo vavenya a vilinga vyavo vya vuvi, oloni vaka-vushunga vali noku kwakutewela a kutsa kwavo.

Muka-kwambulula 8:10

Eyo, njamwene vaka-vuvi vavatsinda mu vimbumbo vyavo, oloni akutunda ku vimbumbo, vanu vashangazala vaka-vuvi vaje vanatsi mu nganda muje vene vaje vaka-vuvi valingilile vuvi vwavo. Eci cinapu cangoco.

Isaya 14:18

Omo vimyene va ano asi vatsa, vakavatsinda mu vimbumbo vyavo vyavivwa,

Isaya 22:16

“Yove wayongola ngwove yove iyajo? Uli na moko mukajo yakulicokwela mbumbo kumukulo wa lilundu lya mamanya?

Mateo 18:10

“Kengeni ngeci kesi muyengule umo wa ava vavandondo. Omwo njimileka ngwange, simbu yoshe tungelo twavo vali mwilu ku mesho a Tate wa mwilu.

Mateo 24:31

Co lupembo lwakama lukaimba, co akatuma tungelo twendi ku vimbango viwana vya ano asi, co vakakungulula vanu vendi vaje vaangwile kutunda ku shongo imo ya kaye nakweta ku shongo ikwavo ya kaye.

Mateo 8:11

Njimileka ngwange vavangi vakaija, vakatunda mu ngangela na mu kangombe ka yambi, co vakatumbama ku mesa amo na Avilahama, na Isake, na Yakomba, mu Vumwene vwa mwilu.

Mako 8:36

Omwo nga munu afuka kaye koshe, oloni azimbalesa mwonyo wendi vika awanao? Mwa vushunga vene nacimo cai!

Luka 12:20

Oloni Njambi wendekele kuli ikeye ngwendi, ‘Ove cilema! Vutsiki vuno vene vakatambula mwonyo wove, co vyoshe evi unalitulikila yove vavenya vikapwa vyeya?’ ”

Luka 16:21

omwo washakele kulya vungululu vuje vwawile ku mesa ya uje fuki. Nameme tutali vakele nakulyasa a vimbandu vyendi.

Yowano 1:18

Naumo wai wamona Njambi, kuvanga Mwana uje umolika, wakulifwa mumo na Njambi, uje ali ku mati ya Ishe, ikeye namusholola.

Yowano 13:23

Umo wa vandongisi vendi, uje yazemene Yesu, watumbamene ku nyonga ya Yesu.

Yowano 21:20

Petulu watengulukile wakengele munima yendi wamwene ndongisi mukwavo, uje yazemene Yesu, uje wajendamenene ali Yesu a simbu yakulya, co wamwihwile ngwendi, “Mwene, iyajo akakwenda vungungu?”

VaHevelu 1:14

Tungelo vapwa vikajo? Vapwa minzinzime vaje vakapangela Njambi, co avatuma mukukwasa vaje valinakutambula kwovoka.

VaHevelu 2:14

Ngecivene, omo vana vanatambula ku situ na maninga, Yesu nendi lalo walipwisile ngwe vakevo watambwile cisemwa cavo ca vunu vwa ano asi. Ikeye walingile eci ngeci a kutsa anyongese uje wakele na nzili ya kutsa, ikeye vene Liyavola.

Yakomba 1:11

Omo litangwa lituuka na misha yalyo ya ntwima nakujujwamesa mwila, co vishani vyakwo vitotomoka na vuvwa vwavyo vunyonga. Ngecivene, mu cifwa cimo vene muka-kufuka akanyonga omwo acitwalelelao mu vilinga vyendi.

1 Petulu 2:24

Kilistu vavenya wambatele vuvi vwetu mu muvila wendi a cilindakano, ngeci tutse ku vuvi, co tukayoyele ku vushunga. A viveve vyendi akeo munawana kukanguka.

Kujombolola 14:13

Asinoni njazivile lijwi lyatundile mwilu lyendekele ngwalyo, “Soneka ngwove, vanavezika vatsi vaje vatsila muli Mwene kutunda ku lelo!” Munzinzime Wakujela wakumbulwile ngwendi, “Mwa vushunga vanavezika! Vakevo vakahwima ku vipangi vyavo vije vaundanganene, omwo fweto ya vipangi vyavo ikavakava.”