Luka 16:15 - Livulu lya Shukulu Kalunga

¹⁵ Yesu wendekele kuli vakevo ngwendi, “Yeni mukalimwesa kupwa muvaka-vushunga ku mesho a vanu, oloni Njambi azivuka vimbunge vyeni. Omwo vije vayongola vanu ngwavo vinapu vya seo, oloni ku mesho a Njambi vinapu vyangoco.

Luka 16:15 Iomraidhean Croise

1 Mizimbu 29:17

Njazivuka ngeci yove Njambi yange ukeseka mbunge ya munu na munu, co ukazivi kuvwaa na vanu vaje vaka-vushunga. Yange njinaana vyoshe evi kuli yove na cizango, co yange njinamono vanu vove ava vanakunguluka kuno vanaana nakuvwaelela kuli yove.

2 Mizimbu 6:30

ziva malombelo avo. Vatolilile omo mwilu muwakala, co vasambese nakuvakwasa. Yove lika wazivuka viyongola vya vimbunge vya vanu. Linga ku munu na munu ngwe mucinamupande,

Myaso 10:3

Muka-vuvi alyalesa na mashungu a mu mbunge yendi, co muka-cipululu asinga nakuvyana Shukulu Kalunga.

Myaso 49:13

Kengeni vije vikalingiwa kuli vaje valikulaela vakevo vavenya, luvinda lwa vaje vakulaela vufuko vwavo,

Myaso 49:18

Nameme munu napwisamo nakuvwaelela mukuyoya kwa cifwa eci, nakumushangazala omwo alinakuya kulutwe,

Myaso 7:9

Yove u Njambi wa vushunga, wilula viyongola vyetu na vizango vyetu. Vindika vilinga vya vanu vya kupenga-penga, oloni nyunga voshe vaka-kukwononoka.

Visimo 16:5

Shukulu Kalunga wazinda munu woshe uje muka-kulyalesa, mwa vushunga vene akavahisa.

Visimo 20:6

Vanu vavangi vakalitumbula vakevo vavenya kupwa va kulongwa, oloni munu wa vushunga iyajo asa kumuwana?

Visimo 21:2

Vingila vya munu vyoshe vinapu vyakushungama ku mesho endi, oloni Shukulu Kalunga ikeye asompa vilinga.

Njelemiya 17:10

Yange Kalunga, nji muka-kweseka viyongola nakwilula vimbunge vya vanu, mukwana ku munu na munu kupwisa mu ngila yendi yakuyoyelamo, nakupwisa ku vipangi vya vilinga vyendi.”

Malakiya 3:15

Oloni ololo tumona vaka-kulyalesa ngwe vanavezika. Mwa vushunga, vaje vaka-kulinga vyavivi vakala mwamuvwa, nameme vakevo veseka Njambi oloni vovoka.’ ”

Mateo 23:5

Vakevo vakalingi vyuma vyoshe ngeci vanu vavamone. Kengeni mikanda ije ili na visoneka ije vakakutiiya ku maolo avo na a mavoko avo, kengeni vukama vwavyo! Kengeni lalo kulaa kwa tundombe twa vuzalo vwavo!

Mateo 6:16

“Co omo mulikela kulya, kesi mwombwe ngwe muvakalingi vaka-civembulu. Omwo vakevo vakaviisa vihanga vyavo, ngeci vanu vavamone ngwavo vanalikela kulya. Mwa vushunga njimileka ngwange, vanatambula laja cikandelela cavo.

Mateo 6:2

“Ngecivene, omo mwana cuma kuli muka-kujeneka, kesi mulimwese embwe, ngwe muvakalingi vaka-civembulu mu masinangonge na mu vingila, ngeci vanu vavashangazale. Mwa vushunga njimileka ngwange, vanatambula laja cikandelela cavo.

Mateo 6:5

“Co omo mulombela, kesi mulombele ngwe vaka-civembulu, omwo vakevo vazema kwimana nakulombela mu masinangonge na masambwa-ngila, ngeci vanu voshe vavamone. Mwa vushunga njimileka ngwange, vanatambula laja cikandelela cavo.

Luka 10:29

Oloni uje mulongisi wa majwi a Lishiko washakele kulisambesa, wendekele kuli Yesu ngwendi, “Mukwetu iya?”

Luka 11:39

Co Mwene wendekele kuli ikeye ngwendi, “Kenga, yeni vaFaliseo mukajelesa nganja na lilonga akamwa, oloni mukati munashulu na muuka na vuvi.

Luka 18:11

KaFaliseo wemanene kwendi lika nakulombela ngwendi, ‘Njikukandelela Njambi, yange kunjafwile ngwe vakwetu voshe valukolotelo, vaka-kujeneka vushunga, vaka-vupangala. Njikukandelela ngeci yange kunjafwile ngwe uje muka-kutambula lisimu nemana kuje.

Luka 18:14

Njimileka ngwange muka-kutambula lisimu ikeye wasambele ku mesho a Njambi omo waile ku njuvo yendi kutuvakana uje kaFaliseo. Omwo woshe uje akalyaka ku vukama vakamukeesa, oloni woshe uje alikeesa vakamwaka ku vukama.”

Luka 18:21

Co uje munalume wakumbulwile ngwendi, “Mashiko oshe awa njawononoka laja tunde kuvwanike vwange.”

Luka 18:9

Yesu watele cisimo eci lalo kuli vanu vaje vaka-kukulaela vushunga vwavo vavenya nakushaula vakwavo.

Luka 20:20

Ngecivene, vakengelelele simbu yaivwa. Co vaanene lizika-kanwa kuli vanu vamo valipwise ngwe vaka-vushunga, co vavatumine kuli Yesu ngeci vakamweseke na vihula ngeci vamwane ku moko na ku nzili ya Nguvulu wa vaLoma.

Luka 20:47

vakevo vakakwisi vifwile nakuvevila vinjuvo vyavo, co vafwika vilinga vyavo na malombelo amalaja! Co kunyanyamesa kwavo kukapwa kwakama manene!”

Yowano 2:25

Omo kashakele munu umo amuleke vukaleo vwa vanu, omwo wazivukile vije vyakele mu vimbunge vyavo.

Yowano 21:17

Yesu wendekele simbu yamucitatu ngwendi, “Simoni muna Yowano, wanjizema ndi?” Petulu wakele na vusiwa omwo Yesu wamwihwile simbu yamucitatu ngwendi, “Wanjizema ndi?” Co Petulu wendekele kuli ikeye ngwendi, “Mwene yove uzivuka vyuma vyoshe, uzivuka ngeci njakuzema!” Yesu wendekele kuli ikeye ngwendi, “Nyunga vimanga vange.

Vilinga vya Miluwa 1:18

(Na vimbongo vije vyatambwile Yundasa a vilinga vyendi vyavuvi wavilandele lihya, muje mwawilililile na kutsa, watavukile lifu na mila yendi yatutulukile.

Vilinga vya Miluwa 1:24

Asinoni valombelele ngwavo, “Mwene, yove uzivuka viyongola vya vanu voshe, ngecivene, tusholwele iya umo akati kaava vanu vavali iwunaangula

Vilinga vya Miluwa 15:8

Co Njambi, uje azivuka viyongola vya munu woshe, washolwele vukaleo vwendi vwa vaje kesi vaYunda akuvana Munzinzime Wakujela, ngwe mwatwanene yetu.

Loma 3:20

Omwo munu naumo wai napu muka-vushunga ku mesho a Njambi navilinga vya majwi a Lishiko, omwo majwi a Lishiko akewo anaija ngeci munu azivuke ngwendi nalingi vuvi.

Loma 8:27

Co Njambi uje amona mu vimbunge vyetu, azivuka muvyafwa viyongola vya Munzinzime, omwo Munzinzime akalambelela kuli Njambi ali vanu vendi ngwe ku cizango cendi.

1 Kolinte 4:5

Ngecivene, kesi musompe munu omwo simbu kanda yete. Kusompa kwakumanesela kunavandamena noo Mwene akaija, ikeye akaka a litanya vyuma vyakushweka mu lisusulungu nakusholola vizango vya mu vimbunge vya vanu. Asinoni voshe vakatambula kushangala kuli Njambi kuje kunavapande.

1 Petulu 3:4

Oloni vuvwa vweni vunapande kupwa vwa vushunga vwa mukati, vuvwa vuje kuvwesi kuvola vwa lyovwa-ovwa na kwoloka kwa munzinzime, eci cikeco ca seo yakama manene ku mesho a Njambi.

1 Petulu 5:5

Mu cifwa cimo vene, yeni vakwenje munapande kwononoka kuli vakulunu. Co yeni voshe pweni vaka-kulikeesa, mukupangela umo na mukwavo, omwo visoneka vyendeka ngwavyo, “Njambi akavyana vaka-kulyalesa, oloni akamwesa kutetela kuli vaka-kulikeesa.”

Kujombolola 2:23

Co lalo njikatsiya vaka-kumukava, asinoni vikungulukilo vyoshe vikazivuka ngeci kuma yange uje azivuka viyongola vya vanu na vizango vyavo. Njikafweta umo na umo weni kupwisa ku vilinga vyendi.

1 Samwele 16:7

Oloni Shukulu Kalunga wendekele kuli Samwele ngwendi, “Kesi ukenge ku vuvwa vwendi, nambe kukutunuka kwendi embwe, Yange njinamuvyana, omwo yange kunjimono ngwe muvakamono vanu embwe. Omwo munu akakenge cifwa ca anja, oloni yange njikamono mu mbunge.”