Luka 15:24 - Livulu lya Shukulu Kalunga

²⁴ Omwo ou munange watsile, oloni ololo alinakuyoya, wazimbalele, oloni ololo tunamuwana!’ Co vashangumukile kulisamba nakulinga ciwano.

Luka 15:24 Iomraidhean Croise

Kushangumuka 45:28

Yakomba wendekele ngwendi “Mukemwo kunau! Kuma munange Yosefa acili na kuyoya! Njinapande njiye njikamumone simbu kanda njitse.”

Isaya 35:10

Vaketa mu Yelusalema nakujolela, vakaimba nakutambeka nakujolela. Vakavwaelela myaka yoshe, vusiwa nakuviilila kuvikakalako myaka yoshe.

Isaya 66:11

Mukavwaelela akuvezika kwayo, ngwe mwanike avwaelela ku mavele a vaina.

Ezekiyele 34:16

“Njikashakezeka vaje vanazimbala nakwilwisa vaje valinakuyevangela mwangoco, co njikakuta vaje vanavetwa, nakukangwisa vaje valinakuvinja, oloni vaje vakununa vali na nzili njikavanyongesa, omwo yange njapwa kanyungi uje akalingi vya vushunga.

Ezekiyele 34:4

Kumwesi kunyunga vaje vakuzeya, nambe kusaka vaje valinakuvinja, nambe kukuta a vimbandu vya vaje vanavulumuka, nambe kwilwisa vaje valinakuyevangela mwangoco, nambe kushakezeka vaje vanazimbala. Oloni yeni munavapangesa na vukalu na muuka

Mateo 8:22

Oloni Yesu wamukumbulwile ngwendi, “Njikave, co seza vatsi valitsinde vakevo vavenya.”

Mako 8:22

Co vezile ku Mbetesainda, co vanu vamo vamunenelele umo kapuputwa wa munalume valambelelele Yesu ngeci amukambeke mavoko.

Luka 10:19

Tolilileni! Njamyana moko ngeci mukalyatangele manyoka na manyewe, nakuhyana nzili yoshe ya Citozi, co nacimo cai cikamivulumuna.

Luka 15:23

Co neneni lalo muna ngombe wakununa, co mutsiyeni ngeci tulye nakulisamba tulinge ciwano!

Luka 15:25

“Co uje munendi wa mukulunu a simbu ije wakele mu lihya. Omo wakele nakwiluka, wetele kuyehi na njuvo, co wazivile myaso nakukina.

Luka 15:32

Oloni tunapande kujolela nakuvwaelela, omwo ndolome yove watsile, oloni ololo alinakuyoya, wazimbalele, oloni ololo tunamuwana.’ ”

Luka 15:4

“Nga umo akati keni ali na vimanga 100, co azimbalesao umo, vati alinga? Aseza vaje vimanga makumi atanu na awana na vimanga vatanu na vawana kuvulilo nakuya nakushakezeka uje nazimbala, noo namuwana.

Luka 19:10

Muna Munu wezile nakushakezeka nakwovola vaka-kuzimbala.”

Luka 9:60

Yesu wamukumbulwile ngwendi, “Seza vatsi valitsinde vakevo vavenya. Yove ya nakwambulula vya Vumwene vwa Njambi.”

Yowano 11:25

Yesu wendekele kuli ikeye ngwendi, “Yange cisangukilo na mwonyo. Woshe akulaela kuli yange nambe natsi, oloni akayoya,

Yowano 5:21

Ngwe omo Ishe akasangula vatsi nakuvana mwonyo, ngecivene, mu ngila eyi lalo Mwana akana mwonyo kuli vaje ashaka.

Loma 11:15

Omwo nga vavayengwile, co vaka-kaye vavatengulwile mukujeneka kupwa vitozi va Njambi, co ololo vanapu vasamba va Njambi. Cikapwa vatijo omo vanavatambula? Cikapwa mwonyo ku vatsi!

Loma 12:15

Vwaeleleni na vaje valinakuvwaelela, lileni na vaje valinakulila.

Loma 6:11

Mu ngila eyi vene munapande kuliyongola yeni vavenya ngweni munatsi, kwesekesa na vuvi, oloni mulinakuyoya muli Njambi ali Kilistu Yesu.

Loma 6:13

Nambe vilyo vyeni kesi muvyecele ku vuvi mukuvipangesa mu vyuma vya kupenga-penga. Oloni likundikeni kuli Njambi, ngwe vanu vaje vavanatundisa ku kutsa nakuvatwala ku mwonyo, co kundikeni vilyo vyeni vyoshe kuli Njambi ngeci vavipangese mu vyuma vya vushunga.

Loma 8:2

Omwo lishiko lya Munzinzime, lije litunenela mwonyo muli Kilistu Yesu, linanjipatula ku lishiko lya vuvi na kutsa.

1 Kolinte 12:26

Nga cilyo cimo ca ku muvila cilinakuyanda, co vyoshe vilyo viyandela amo naco, nga cilyo cimo vacishangala, co vyoshe vilyo vivwaelela amo naco.

Efeso 2:1

Laja mwapwile mu vatsi ku munzinzime omwo kumwononokele, co mwalingile vuvi.

Efeso 2:5

ngeci nambe omo twatsile ku munzinzime akujeneka kwononoka kwetu, watuyoyesele amo na Kilistu. Akutetela kwa Njambi ngeci munovoka.

Efeso 5:14

omwo cuma coshe cije cisholoka cipwa ceke. Omu mukemwo vakendeka ngwavo, “Tona, yove walala, co induka ku kutsa, Kilistu akakutwila ceke.”

Kolose 2:13

A simbu imo mwatsile ku munzinzime omwo a vuvi vweni, omwo mwapwile vaje kesi vaYunda vakujeneka Lishiko. Oloni ololo Njambi naminena ku mwonyo muli Kilistu. Njambi watusambesele vivi vyetu vyoshe,

1 Timateo 5:6

Oloni fwile uje alyana ikeye vavenya mu senga yangoco natsi laja, nambe alinakuyoya.

Yunda 1:12

Ava vanu vakevo vanafu ngwe vitanukiso mu viwano vyeni vya cizemo omo valya neni kujeneka shwamwa. Vashakezeka lika vyavo vavenya. Vanafu ngwe mashelwa akupekumuka lika na lihunzi oloni kuwesi kunena nyonzi. Vanafu ngwe miti kuyesi kwima vushuka, nambe mu simbu ya nyangao, miti ije ivanatukula na mizi yayo inapu ya kutsa vene.

Kujombolola 3:1

“Kuli kangelo wa ku cikungulukilo ca mu Salendisiya soneka ngwove, “Eli likelyo lijwi lyatundu kuli uje ali na minzinzime ya Njambi itanu na ivali na vingongonosi vitanu na vivali. Njinazivuka vije viwulinakulinga, njinazivuka ngeci uli na lizina ngeci ulinakuyoya, nameme ngoco unatsi laja.