Luka 15:23 - Livulu lya Shukulu Kalunga

²³ Co neneni lalo muna ngombe wakununa, co mutsiyeni ngeci tulye nakulisamba tulinge ciwano!

Luka 15:23 Iomraidhean Croise

Kushangumuka 18:7

Asinoni Avilahama washatukilile ku litanga, waangwileko muna ngombe wamuvwa wakununa, wamwanene kuli ngamba yendi, co uje ngamba wamutsiile vwasi-vwasi.

Myaso 63:5

Mbunge yange ikavwaelela, co njikaimba myaso yakuvwaelela yakukushangazala.

Visimo 15:17

Mwamuvwa kulisa visapa-sapa ku njuvo kuje kuli cizemo, kutuvakana kulisa situ ya mazi ku njuvo kuje kuli cizindo.

Visimo 9:2

Mana anatsii tusitu twa a ciwano, co anatsingasana vinyu, nakujala mesa.

Isaya 25:6

Aa vene a Munkinda wa Siyone, Shukulu Kalunga Muka-nzili yoshe akavwaeselao miyati yoshe ya mu kaye ciwano ca vyakulya vyavivwa na vinyu vyavivwa.

Luka 15:22

Oloni ishe wasanene vangamba vendi ngwendi, ‘Zambuleniko! Neneni cikoveyo cacivwa mumuzike. Co lalo muzikeni kanzeya ku mulavo wendi na vin̄aku ku mendi endi.

Luka 15:24

Omwo ou munange watsile, oloni ololo alinakuyoya, wazimbalele, oloni ololo tunamuwana!’ Co vashangumukile kulisamba nakulinga ciwano.

1 Samwele 28:24

Co uje munakazi watsiile vwasi muna ngombe wakununa. Wambatele vunga vwa tiliku, wavutikile, wocele makende akujeneka musima.