Luka 15:22 - Livulu lya Shukulu Kalunga

²² Oloni ishe wasanene vangamba vendi ngwendi, ‘Zambuleniko! Neneni cikoveyo cacivwa mumuzike. Co lalo muzikeni kanzeya ku mulavo wendi na vin̄aku ku mendi endi.

Luka 15:22 Iomraidhean Croise

Kushangumuka 41:42

Ngecivene, mwene watundisile kanzeya ka cizivukiso ca vumwene vwendi ku mulavo wendi, wakaakele ku mulavo wa Yosefa. Vamuzikile lalo cikoveyo cacilaja cacivwa ca linyu, co vamuzikile lalo lilyenge lya ngolinde mu mukoshi wendi.

Esita 3:10

Co mwene washomwene kanzeya ku mulavo wendi. Co wakaanene kuli citozi ca vaYunda Hamane muna Hamendata mutekulwila wa Angange.

Esita 8:2

Co mwene washomwene kanzeya kendi kaje kakele na cizivukiso, (kaje katundisile kuli Hamane,) wakaanene kuli Molendekai. Co Esita wapwisile Molendekai muka-kunyunga vufuko vwa Hamane.

Myaso 132:16

Njikavezikisa vaka-kukombelela vamwo, mu vyoshe vivakalinga, co vanu vamwo vakaimba nakutambeka nakuvwaelela.

Myaso 132:9

Vaka-kukombelela vove simbu yoshe valinge mwa vushunga, vaka-kujela vove vaimbe nakujolela!

Myaso 18:33

Ikeye ashatukisa mendi ange lumbisi ngwe shonge, anjinyunga mwamuvwa a minkinda.

Myaso 45:13

Vamwene vakovela mu lipela. Vuzalo vwavo vwakushoveya na ngolinde.

Myaso ya Solomoni 7:1

Yove unapu u mumbanda wamuvwa manene. Mendi ove anafwila mwamuvwa mu vin̄aku vyove, vinyonga vyove vyapwa vyavivwa ngwe mamanya a seo yakama, vinyonga vyakupanga ku mavoko a muka-vutongwe.

Isaya 61:10

Yelusalema ijolela omwo vije vyanalingi Shukulu Kalunga. Shukulu Kalunga nafu ngwe shombolwa nazala vuzalo vwa vushombolwa. Njambi namwamena nakumuhyanesa.

Luka 15:21

Co uje mwana wendekele kuli ikeye ngwendi, ‘Tate, njinalingi vuvi ku mesho a Njambi na ku mesho ove, kunjapandele lalo unjitumbule nji munove.’

Luka 15:23

Co neneni lalo muna ngombe wakununa, co mutsiyeni ngeci tulye nakulisamba tulinge ciwano!

Loma 13:14

Oloni zaleni vitwa vya Mwene Yesu Kilistu, kesi mwanuke lalo cifwa ceni ca vusitu nakukavangeya mashungu aco embwe.

Loma 3:22

Njambi alingisa vanu ngeci vapwe vaka-vushunga akukulaela kwavo kuli Yesu Kilistu. Njambi alinga eci kuli voshe vaje vakulaela kuli Kilistu, omwo kumwesi kaangu kai,

Loma 8:15

Omwo Munzinzime uje wanamyana Njambi kamipwisile mu vindungo ngeci mukale na lyova, oloni Munzinzime namipwisa vana va Njambi, co na nzili ya Munzinzime tulinakutambeka kuli Njambi ngwetu, “Tate! Tatetu!”

Ngalatiya 3:27

Vamimbwitikile amo muli Kilistu, co ololo vanamizika na mwonyo wa Kilistu vavenya.

Efeso 6:15

co ngwe vin̄aku ku myanja yeni, mukulivwaesela cimweja kwambulula Vin̄anda Vyavivwa vya kwoloka.

Kwituluka mu Mashiko 33:25

Vinganda vyendi vipwe vya vikolo vyakupata na vikuvo, simbu yoshe ayoye mwamuvwa.”

Kujombolola 19:8

Vanamwana vuzalo vwa linyu vwakuvyazima ngeci azale.” (Nanga ya linyu yapwa vilinga vyavivwa vya vanu va Njambi.)

Kujombolola 2:17

“Nga uli na matwi, tolilila vije vyalinakwendeka Munzinzime ku vikungulukilo! “Kuli vaje vahyana, njikavana maana yakushweka. Co lalo njikana umo na umo wavo limanya lyakutoka aje vanasoneka lizina lyaliha lije naumo wai alizivuka kuvanga uje vavenya alitambula.

Kujombolola 3:18

Ngecivene, njikunangula ngeci ulande ngolinde kuli yange, ngolinde yakujela, ngeci ufuke. Co lalo landa vuzalo vwakutoka uzale ngeci ufwike mutotototo wove wa shwamwa. Co lalo landa cemba cakwaka mu mesho ove, ngeci wase kumona.

Kujombolola 6:11

Co umo na umo wavo vamwanene cikoveyo cakutoka, vavalekele ngeci vahwime kasimbu lika nakututumwisa, noo nambala yoshe ya vavushoko vwavo na vasamba vavo vanavatsii ngwe muvavatsiile vakevo.

Kujombolola 7:9

Munima yevi njakengele, co njamwene mbunga yakama, naumo wai wasele kulava vanu voshe vaje! Vatundile ku miyati yoshe na ku mafuti oshe na ku vanu voshe na ku vindaka vyoshe, co vemanene kulutwe lwa litanda na kulutwe lwa Muna Manga, vazalele vuzalo vwakutoka, co vakwatele minango ya mashakavale mu mavoko avo.