Luka 15:17 - Livulu lya Shukulu Kalunga

¹⁷ Omo waliyongwele, walyendekesele ngwendi, ‘Vangamba voshe va tate valinakulya nakukuta nakusezao, yange njilanduka ku njala!

Luka 15:17 Iomraidhean Croise

Myaso 119:59

Njayongola yoyesi yange, co njikulaesa kunyunga mashiko ove.

Myaso 73:20

Vanafu ngwe njozi omo munu enduka mu tulo, mukemwo mucinapu kuli yove, Shukulu Kalunga omo winduka, co ukavayengula.

Muka-kwambulula 9:3

Ovu vunapu vuvi mu vyuma vyoshe vije vilinakulingiwa ano asi. Kuvindama kumolika kwija ku voshe, co lalo vimbunge vya vanu vinashulu na vuvi, vuzaluke vuli mu vimbunge, co vwasi-vwasi vatsa.

Njelemiya 31:19

Twakukengesele nima, oloni twatengulukile. Omo watunyanyamesele, twazivile vusiwa. Co twazivile shwamwa na lyova, omwo a vyuma vya vulema vije vitwalingile omo twapwile tu vakwenje.’

Mbimbi 1:7

A matangwa a tuyando, Yelusalema alinakwanuka vuyoye vwavuvwa vuje vwayoyele a matangwa a kunima, oloni napu ngundu. Omo wakele mu mavoko a vitozi, naumo wai wamukwasele. Vaje vamufungulwile vajolele akuwa kwendi.

Ezekiyele 18:28

Ananguka vije vyalinakulinga, co alikela kulinga vuvi, mwa vushunga kakatsi embwe, oloni akatwalao kuyoya.

Hoziya 2:7

Akakava vaka-cizemo cendi, oloni kakavawana. Akavakengezeka, oloni kakavawana. Asinoni akendeka ngwendi, “Njiiluka kuli munalume wange wakulivanga, kuje njakele mwamuvwa kutuvakana muno munjili kuno ololo.”

Luka 15:16

Co washakele kulya nakukutisa lifu lyendi na vin̄wekwe vije vakele nakulya vingulu, oloni naumo wai wamwaneneko cuma cimo cakulya.

Luka 16:23

Ikeye wakele mu tuyando twakama mu Mbulu ya Tuhya, co wakengele kwilu, wamwene Avilahama ali kulyala, na Lazalu ali ku mati yendi.

Luka 8:35

Co vanu vaileko nakukamona vije vyalingiwile, omo vezile kuli Yesu, co vawanene munalume uje wakele na minzinzime yakujwala natumbama ku mendi a Yesu, nazala mwamuvwa, nalikongomeka, co voshe vakele na lyova.

Vilinga vya Miluwa 12:11

Asinoni Petulu wanangukile cuma cije calingiwile kuli ikeye, co wendekele ngwendi, “Ololo njinazivuka ngwange cinapu ca vushunga! Kuma Mwene natumu kangelo kendi kuli yange nakunjitundisa ku nzili ya Helonde na ku vyoshe vije vaYunda vashakele ngeci vilingiwe.”

Vilinga vya Miluwa 2:37

Omo vanu vazivile evi, vazivile mu vimbunge vyavo longoto, co vendekele kuli Petulu na kuli miluwa vakwavo ngwavo, “Eni vakwetu, tunapande kulinga vika?”

Efeso 5:14

omwo cuma coshe cije cisholoka cipwa ceke. Omu mukemwo vakendeka ngwavo, “Tona, yove walala, co induka ku kutsa, Kilistu akakutwila ceke.”