Luka 15:16 - Livulu lya Shukulu Kalunga

¹⁶ Co washakele kulya nakukutisa lifu lyendi na vin̄wekwe vije vakele nakulya vingulu, oloni naumo wai wamwaneneko cuma cimo cakulya.

Luka 15:16 Iomraidhean Croise

Yombi 30:4

Vatukwile vimena vya mu mambo nakuvilya, valile nameme mizi ya muti wakukombesa wa vutovalesi.

Myaso 142:4

Njikenga ku livoko lyange lya cilyo nakumona, oloni naumo wai asa kunjikwasa, naumo wai asa kunjinyunga, naumo wai asa kunyunga mwonyo wange.

Myaso 73:22

njapwile nji cikolokomba na munu wa vunzimba, njapwile nji cinzinda ngwe kasitu kuli yove.

Isaya 44:20

Mana angacije vunene anapu ngwe kulya manungu. Viyongola vya munu ou vinapu vya vulema, vinamusevwisa, ngeci kukwesi seo lalo yai. Kanangukile ngeci ngwendi aka kamponya kanakwata mu livoko lyendi kukapwile njambi embwe.

Isaya 55:2

Omwo vikajo muviisila vimbongo a vyuma vije kuvyapwile vyakulya? Omwo vikajo muundanganena cuma cije kucasa kumikutisa? Tolilileni kuli yange nakulinga vije njendeka, co mukavwaelela na vyakulya vyavivwa manene.

Isaya 57:3

Ijeni kuno vakumisompe, yeni vaka-vuvi! Yeni munapu mumolika na vimbanda, na vaka-vupangala, na vikwizi.

Mbimbi 4:5

Vanu vaje vakele nakulya vyakulya vyavivwa valinakulanduka ku njala mu vitapalo, vanu vaje vayoyele kuyoya kwakuvwa, valinakushakezeka vyakulya mu vimbulu vya mazilo.

Hoziya 12:1

“Vyuma vyoshe vije vivakalingi vanu va mu Isalele kutunda ku mutondo nakweta ku vutsiki kuvyesi na seo, co vinapu vyakunyongesa. Makuli na vilinga vya muuka vinatumu akati kavo. Co valinakulikumiiya cikumiiyo na vaAsilya, nakulinga nganyo na vaka-Ingito.”

Mateo 7:6

“Kesi mwane tutali vije vyakujela, co vakamitengulukila nakumilwisa, kesi mumbile makwalale ku vingulu, co vakaalyatangela na vimbemba vyavo.

Luka 15:15

Co waile kuli mundambo umo wa mu lifuti lije nakupangako, co ikeye wamutumine ku lihya lyendi ngeci akalise vingulu.

Luka 15:17

Omo waliyongwele, walyendekesele ngwendi, ‘Vangamba voshe va tate valinakulya nakukuta nakusezao, yange njilanduka ku njala!