Luka 15:15 - Livulu lya Shukulu Kalunga

¹⁵ Co waile kuli mundambo umo wa mu lifuti lije nakupangako, co ikeye wamutumine ku lihya lyendi ngeci akalise vingulu.

Luka 15:15 Iomraidhean Croise

2 Mizimbu 28:22

Omo tuyando twendi twaamene manene, uje munalume Ahaze wavulumwine manene ku mesho a Shukulu Kalunga.

Kutuuka 10:3

Ngecivene, Mosesa na Alone vaile kuli mwene vendekele kuli ikeye ngwavo, “Shukulu Kalunga Njambi ya vaHevelu nendeka ngwendi, ‘Visimbu vingaijo ukavyana kulikeesa ku mesho ange? Ecela vanu vange vaye ngeci vakanjilemese.

Isaya 1:5

Omwo vikajo mulinakunjitengulukila? Mushaka ngeci njimihise lalo manene ndi? Isalele, ku mutwe wove kulilaja vimbandu, co mbunge yove na viyongola vyove vinazeye.

Isaya 57:17

Njaluvalele navo omwo vuvi vwavo na muuka wavo, ngeci njavahisile nakuvaseza, omwo vakaluwisile vimbunge vyavo nakuya mu vingila vyavo.

Njelemiya 5:3

Mwa vushunga Shukulu Kalunga akakenge a kulongwa. Waminyanyamesele, oloni kumwamutolililile, wamisindakanene, oloni kumwalilongesele. Mwakaluwisile vimbunge vyeni, co kumwatengulukile ku vuvi vweni.

Ezekiyele 16:52

Ngecivene, ololo, yove ukakala na shwamwa omwo wavangelele vandokazi vove. Vuvi vwove vwapwile vwa vunyengwe manene kutuvakana vuvi vwavo. Vakevo vanasholoka kupwa vakulongwa kutuvakana yove. Ngecivene, ukaziva shwamwa nakushauka omwo wapwisile vandokazi vove kupwa va kulongwa.”

Ezekiyele 16:63

Njikasambesa kupenga-penga kwove kwoshe kuwalingile, oloni ukavyanuka, co ukakala na shwamwa manene yakuvyendeka na kanwa kove.” Mwanendeka Shukulu Kalunga wa Akamwa ya Vyoshe.

Nahumi 3:6

Njikakukwita mazilo, co njikakupwisa muka-vunyengwe. Co vanu vakakukenga na vunyengwe.

Malakiya 2:9

Ngecivene, nange lalo njikamishawisa kuli vanu va mu Isalele omwo kumwononokele cizango cange, omo mulongesa vanu vange, kumwesi kuvapwisa mumo embwe.”

Mateo 7:6

“Kesi mwane tutali vije vyakujela, co vakamitengulukila nakumilwisa, kesi mumbile makwalale ku vingulu, co vakaalyatangela na vimbemba vyavo.

Luka 15:13

Omo kwetile matangwa amandondo lika uje mwana washongo walandesele vufuko vwendi wakatukile waile na vimbongo. Waile ku lifuti lyakulyala, kuje wakashandwele vimbongo vyendi mukuyoya kwa vuuka.

Luka 15:14

Washandwele vyoshe vije vyakele navyo. Co kwezile njala ya lyangengela mu lifuti mwoshe muje, washangumukile kuyanda nakuutwa.

Luka 15:16

Co washakele kulya nakukutisa lifu lyendi na vin̄wekwe vije vakele nakulya vingulu, oloni naumo wai wamwaneneko cuma cimo cakulya.

Loma 6:22

Oloni ololo vanamipatula ku vuvi, co munapu vindungo va Njambi. Fweto yeni inapu mwonyo uje wakulikundika kuli ikeye, cikeco cinena mwonyo wa myaka yoshe.

Tito 3:3

Omwo yetu lalo twapwile tu vilema, vaka-kujeneka kwononoka, nakulinga mwamuvi. Twapwile tu vindungo va mashungu na senga yakuliseza-seza. Twombilile simbu yetu mu vyuma vya muuka na nuna, vakwetu vatuzindile, co netu twavazindile.