Luka 15:14 - Livulu lya Shukulu Kalunga

¹⁴ Washandwele vyoshe vije vyakele navyo. Co kwezile njala ya lyangengela mu lifuti mwoshe muje, washangumukile kuyanda nakuutwa.

Luka 15:14 Iomraidhean Croise

2 Mizimbu 33:11

Ngecivene, Shukulu Kalunga watavele vamyata vaka-kushika mbunga ya mashwalale vaAsilya ngeci valwise Yunda. Co vafungulwile Manase, vamukovelesele tulovo, co vamukutile malyenge, vamutwalele ku Mbambilone.

Visimo 13:25

Vaka-vushunga vali na vyakulya vyavingi, oloni vaka-vuvi simbu yoshe vali na njala.

Ezekiyele 16:27

“Co ololo njinolola livoko lyange, nakukuhisa, co njinakunyeke vivezikiso vyange. Njinakukundika ku mavoko a vaFilisitiya, vaje vakuzinda, co vanazivi vunyengwe vwa vilinga vyove vya vukwizi.

Luka 15:13

Omo kwetile matangwa amandondo lika uje mwana washongo walandesele vufuko vwendi wakatukile waile na vimbongo. Waile ku lifuti lyakulyala, kuje wakashandwele vimbongo vyendi mukuyoya kwa vuuka.

Luka 15:15

Co waile kuli mundambo umo wa mu lifuti lije nakupangako, co ikeye wamutumine ku lihya lyendi ngeci akalise vingulu.