Luka 14:18 - Livulu lya Shukulu Kalunga

¹⁸ Oloni voshe vashangumukile kuleulula. Wakulivanga walekele uje ngamba ngwendi, ‘Njinalanda lihya lyange, co njinapande kuyako njikalimone, njilomba ngwange unjisambese.’

Luka 14:18 Iomraidhean Croise

Njelemiya 6:10

Njakumbulwile ngwange, “Iyajo akanjitolilila nga njendeka kuli vakevo nakuvanangula? Vakevo vapwa vakukaluwa vimbunge nakuvyana kutolilila ku lijwi lyove, vakajolo vije viwukendeka kuli yange.

Luka 14:17

Omo simbu ya ciwano yetele, watumine ngamba yendi kuli vaje vavalanyele ngwendi, ‘Ijeni, vyuma vyoshe vinavwaa laja!’

Luka 14:19

Mukwavo lalo ngwendi, ‘Njinalanda vingombe likumi vakulima, co njiya njikaveseke, njilomba ngwange unjisambese.’

Luka 18:24

Yesu wamumwene ali na vusiwa manene, co wendekele ngwendi, “Cinapu cacikalu kuli vaka-kufuka kukakovela mu Vumwene vwa Njambi!

Luka 8:14

Vimbuto vije vyawililile akati ka mambimbo, vinemanena vaje vaziva lijwi, oloni lipakeso na vufuko nakuvwaelela kwa mwonyo ou vishulamo nakuvitiva, co kuvaimi vushuka.

Yowano 1:11

Ikeye wezile ku lifuti lyendi, oloni vanu vendi kuvamutambwile.

Yowano 5:40

Oloni kumushaka kwija kuli yange ngeci mukale na mwonyo.

Filipu 3:4

Nameme yange nga njinasa kukulaela vyuma vya cifwa cangacije. Nga umo weni aliyongola ngwendi asa kukulaela mu cisemwa ca vunu, yange njahyana manene a ngila eyi.

2 Timateo 4:10

Omwo Ndemase nawila mu cizemo ca vyuma vya ano a kaye, co nanjiseza nai ku Tesalonika. Na Kelesenese nai ku Ngalatiya, na Tito nai ku Ndalematiya.

2 Timateo 4:4

Kuvakatolilila ku vyuma vya vushunga, co vakatwala mana avo ku visimo vyangoco.

VaHevelu 12:16

Nyanyameni ngeci naumo wai apwe muka-vupangala nambe muka-mbunge yaivi ngwe Isau, uje walandesele vukulunu vwendi kuli shongo yendi na tuvyakulya twatundondo lika.