Luka 14:13 - Livulu lya Shukulu Kalunga

¹³ Oloni omo ulinga ciwano, lanyako vaka-kuutwa na vaka-kujenduka na vilema na tupuputwa,

Luka 14:13 Iomraidhean Croise

2 Samwele 6:19

co waanene vanu voshe vyakulya. Waanene munu na munu, munalume na munakazi mu Isalele, mukasha wa likende, na cipuka ca situ yakwoca, na likasha-kasha lya vinyu vyakuma. Asinoni vanu voshe vaile ku membo avo.

2 Mizimbu 30:24

Co Mwene Hezekiya waanene vanu vingombe va nkomba vakupwa 1,000 na vimanga vakupwa 7,000 ngeci vanu vatsiye valye, co vamyata vaanene vingombe va nkomba vakupwa 1,000 na vimanga vakupwa 10,000. Co mbunga yakama ya vaka-kukombelela valijelesele.

Nehemiya 8:10

Yeni ku vinjuvo vyeni mukalinge ciwano. Lipangeleni vyakulya vyeni na vinyu na vaje vanajeneka. Litangwa lya lelo linapu lyakujela kuli Shukulu Kalunga ketu, ngecivene, kesi mukale na vusiwa. Kujolela kwa Shukulu Kalunga kukamitakamesa.”

Nehemiya 8:12

Ngecivene, vanu voshe vaile ku vinjuvo vyavo, co vakalile nakunwa nakujolela nakulipangela na vakwavo vije vakele navyo, omwo vazivisisile mwamuvwa vyuma vije vivavalavelele.

Yombi 29:13

Co vanu vaje vakele mu vukalu vwakama, vanjishangazalele, co njakwasele vifwile kukala mwamuvwa.

Visimo 14:31

Nga uyandesa vanu vakuutwa, co ulinakushaula Njambi uje wavatangele, oloni nga uzivila ngozi tuutu, ulinakumusingimika.

Visimo 22:9

Munu muka-mema ku mbunge akavezika, omwo alinakwana vyakulya vyendi ku tuutu.

Isaya 58:10

aneni vyakulya kuli vaje vali na njala, nakulinga mwamuvwa vanu vaje valinakuyanda, co lije lisusulungu lyamizengeleka likemuka ceke ca mukati ka litangwa.

Isaya 58:7

Lipangeleni vyakulya vyeni na vaje vali na njala, co shokolweleni tuutu na vaka-kuyanda ku vinjuvo vyeni. Aneni vuzalo kuli vaje vanajeneka vyakuzala, co kesi muvyane kukwasa vavushoko vweni.

Mateo 15:30

Co vimbunga vyakama vezile kuli ikeye, vamunenelele vilema, na tupuputwa, na vaka-kusekwa mendi na mavoko, na tuveveve, co na vanu veka vavangi vaka-mishongo, vaje vavatumbikile ku myanja ya Yesu, co ikeye wavakangwisile.

Mateo 22:10

Ngecivene, vaje vangamba vaile kuje ku masambwa-ngila, co vanenele vanu voshe vaje vavawaneneko, vavavwa na ava vavavi, co ije njuvo ya ciwano ca vulo yashulile ya vanu.

Luka 11:41

Oloni aneni vili mu vinganja vyeni na mu malonga eni kuli tuutu, co vyuma vyoshe vikapwa vyakujela kuli yeni.

Luka 14:12

Asinoni Yesu wendekele kuli uje wamulanyele ngwendi, “Nga uvwaesa kulya kwa mutanya nambe kulya kwa cingwezi, kesi ulanye vasamba vove nambe vandolome vove nambe vavushoko vwove nambe vandambo vove vaka-kufuka, omwo navo lalo vakakulanya, co mu ngila eyi vakakwilwisila vije viwalingile.

Luka 14:14

co ukavezika, omwo vakevo kuvakasa kukwilwisila vije viwunavana. Njambi ikeye akakwilwisilavyo a litangwa livakasanguka vaka-vushunga ku vatsi.”

Luka 14:21

Co uje ngamba waile wakalekele shukulu yendi vyuma vyoshe vije vivendekele. Co shukulu yendi waluvalele wendekele kuli ngamba yendi ngwendi, ‘Ya vwasi ku vitapalo na ku tuvingila twatundondo twakuya ku nganda ukalanye vaka-kuutwa na vaka-kujendoka na tupuputwa na vilema.’

Vilinga vya Miluwa 9:39

Ngecivene, Petulu wakatukile waile navo. Omo wetele vamutwalele ku mulili wa akamwa kuje vifwile voshe vamuzengelekele nakulila nakumumwesa vimbinja na vikoveyo vije vyalingile Ndokasi a simbu wakele nakuyoya.

Kwituluka mu Mashiko 14:29

Vyakulya evi vinapu vya vaLevi, omwo vakevo kuvesi na mutambela nambe vushwana akati keni, na vaka-kwija, na visiwa, na vifwile, vaje valinakukala mu vinganda vyeni. Co vakevo vakaija nakwambata vyoshe vivanajeneka. Mukalinga eci, ngeci Shukulu Kalunga Njambi yeni akamivezikise mu vyuma vyoshe vimukapanga na mavoko eni.

Kwituluka mu Mashiko 16:11

Co mukajolela ku mesho a Shukulu Kalunga Njambi yeni, yeni na vana veni va vanalume, na ava va vanakazi, na vangamba veni va vanalume, na ava va vanakazi, na vaLevi vaje mulinakukala navo, na vaka-kwija, na visiwa, na vifwile vaje valinakukala akati keni. Mukalingila eci ku mwela uje wakaangula Shukulu Kalunga wakumulemesela.

Kwituluka mu Mashiko 16:14

Mukajolela a ciwano ceni, yeni na vana veni va vanalume, na ava va vanakazi, na vangamba veni va vanalume, na ava va vanakazi, na vaLevi, na vaka-kwija, na visiwa, na vifwile vaje valinakukala akati keni.

1 Timateo 3:2

Ntwama wa cikungulukilo napande kupwa munu wakujeneka mulonga, napande kupwa munalume wa munakazi umolika, kesi muka-kunwa vyakupendesa, muka-kulinyunga, muka-kulongwa, napande kujumbula vangenzi ku njuvo yendi, uje asa kulongesa vakwavo,

1 Timateo 5:10

co ali na lutsimo lwa vilinga vyavivwa, munakazi uje nalele vana vendi mwamuvwa, muka-kutambula vangenzi ku njuvo yendi, muka-kulinga vilinga vya kulikeesa kuli vakwavo vaka-Yesu, nakukwasa vaje vali mu tuyando nakulikundika ku vipangi vyavivwa.

Tito 1:8

oloni apwe muka-kujumbula vangenzi na muka-kuzema vyavivwa. Napande kupwa muka-kulinyunga, muka-kushungama, muka-kujela na muka-kwononoka.

Filimoni 1:7

Cizemo cove, ndolome yange, cinanjinenela kuvwaelela kwakama nakunjitakamesa manene! Omwo yove unavwaelelesa vimbunge vya vanu va Njambi voshe.

VaHevelu 13:2

Anukeni kutambula vangenzi mwamuvwa ku vinjuvo vyeni. Omwo kwakele vamo vacilingile, co vatambwile tungelo kujeneka kuzivuka.