Luka 13:8 - Livulu lya Shukulu Kalunga

⁸ Oloni uje ndimi wamukumbulwile ngwendi, ‘Shukulu, acikengeleleniko mwaka umo lalo, njikaindako kuuzengeleka nakwakako vwilo.

Luka 13:8 Iomraidhean Croise

Myaso 106:23

Ngecivene, Njambi wendekele ngwendi akanyongesa vanu vendi, oloni Mosesa ngamba yendi uje yaangwile wemanene mukati ku mesho a Njambi nakuvindika vukalu vwendi ngeci kesi avanyongese.

Kutuuka 34:9

Ikeye wendekele ngwendi, “Shukulu Kalunga, nga mwa vushunga yove ulinakuvwaelela nange, njilomba ngeci uye amo netu. Nameme vanu ava vapwa vakukaluwa vimbunge, oloni tusambese kukukaluwa kwetu na ku vuvi vwetu, tutambule nakutupwisa vanu vove.”

Njelemiya 15:1

Asinoni Shukulu Kalunga wanjilekele ngwendi, “Nameme nga Mosesa na Samwele vali kuno mukulombela amo nove, nga kunjikazivila vanu ava mema ku mbunge. Vasheke, vatunde ku mesho ange.

Njelemiya 18:20

Kuma mwamuvwa kwilwisila vuvi ku vuvwa ndi? Oloni vananjindila mbulu ngeci njiwilemo. Anuka muje munjemanene ku mesho ove nakuvemanena ngeci kesi uvanyanyamese.

Njwele 2:17

Vaka-kukombelela, vaje vakapangela Shukulu Kalunga akati ka mutula na ku cikolo ca Njuvo ya Shukulu Kalunga, vanapande kulila nakulombela ngwavo, “Shukulu Kalunga, zivilako ngozi vanu vove. Kesi utave miyati ya vanu veka vatuyeluwise nakutushendumuna nakwendeka ngwavo, ‘Njambi yeni ali kulijo?’ ”

Luka 13:7

Ngecivene, wendekele kuli ndimi yendi ngwendi, ‘Kenga, mu myaka itatu njinakele nakwijako nakusetelako vushuka oku ku mukuyu, co nakamo njinawanako kai. Ushinje! Omwo vikajo uviisila ngoco livu eli?’

Luka 13:9

Nga ukaima vushuka mungolosika, co mwamuvwa, oloni nga kuukaimi vushuka, asinoni ukaushinja.’ ”

Luka 14:35

Kucitava lalo kuwaka mu lihya, nambe kuulinga vwilo, oloni vaumbila kuti. Nga muli na matwi, ziveni!”

Loma 10:1

Vakwetu, njishaka manene na mbunge yange yoshe ngeci vanu vange vovoke! Njilinakuvalombelela manene kuli Njambi!

Loma 11:14

Amo njasa kulingisa vanu va ku muyati wange lifuwa, ngeci njase kwamenako vamo.

2 Petulu 3:9

Mwene kesi kwishwala akulinga cije canakulaesa, ngwe muvakayongola vamo. Oloni muka-lukakateya ali yeni, omwo kashaka umo akanyonge, oloni ashaka ngeci voshe vatenguluke kutunda ku vivi vyavo.